"(allah knows what is the best for you)"
Be like a flower that gives its fragrance even to the hand that crushes it
"It is easier to turn a mountain into dust than to create love in a heart that is filled with hatred" - Hazrat ali (r.a)
"Gold is Tested with fire,and the Believer is tested with trails" -Hazrat ali(r.a)
Durood-o-Salaam ki ek bahot he khaas Barkat jo kisi aur amal se nasib nahi hoti!
"Hazrat Shaykh Abdul Haq Muhaddis Dehalvi Rehmatullah Alaih Madina Tayyaba me rehte they. Har waqt subho sham Mawajeh Shareef Aaqa (SallAllahu Alaihi wa Aalihi wa Sallam) ki Bargah me Haazri rehti, Deedar karte, Salat-o-Salam padhte aur waha Masjid-e-Nabavi me Dars-e-Hadees dete aur Akaabir Ulema Aapse Hadees padhte.
Hindustan me ab tak Ilm-e-Hadees riwaaz pazeer nahi hua tha aur puri Sar Zameen e Hind Ilmul Hadees ke Noor se khaali thi. Aaqa SallAllahu Alaihi wa Aalihi wa Sallam ne Khwab me Irshad farmaya Shaykh Abdul Haq Muhaddis Dehalvi Rehmatullah Alaih ko: Abdul Haq Hindustan Hamare Ilm-e-Hadees ke Faiz se khaali hai. Ab tu Hindustan chala ja aur waha baithkar Markaz-e-Ilme Hadees khol aur Meri Hadees ko pure Hind ke atraf o aknaf tak pahuncha.
So Hindustan me hum tak, jis par jis tak bhi Sanad-e-Hadees aur Ilm-e-Hadees pahunchi uska tarika kisina kisi sabeel se Shaykh Abdul Haq Muhaddis Dehalvi ke zariye se pahuncha.
Shaykh Abdul Haq Muhaddis Dehalvi ko jab Hukm hua Aaqa SallAllahu Alaihi wa Aalihi wa Sallam ka ke Hindustan chala ja aur waha jaake Mere Ilm-e-Hadees ka Faiz duniya me faila de. To aapne arz kiya Ya RasoolAllah (SallAllahu Alaihi wa Aalihi wa Sallam) mai Madina Pak se dur jaau, Hukm ki taamil karta hun, magar Yaha to har waqt Huzoor ka Dar-e-Anwar Dekhta hun, Jaali Mubarak Dekhta hun, jab udaas hota hun Huzoor ki Bargah me aata hun. Dur chala jaunga Hindustan to har waqt wahase aana nasib nahi hoga.
To Aaqa SallAllahu Alaihi wa Aalihi wa Sallam ne farmaya: Abdul Haq Hindustan chala ja Hum tumhe bhej rahe hain, Yaha tum Meri Jaali aur Mazaar ki Ziyarat karte hona? Ab tumhe ye Faiz deke bhejta hun ke har Peer ki raat ko Durood-o-Salaam ki kasrat ke saath Wird karke Muraqba kiya karna, us raat Hum tumhe barahe raast Apni Kachehri me bula liya karenge!
Yaha Jaali Mubarak ka Deedar karte ho waha tumhe hafte me ek raat Apni Kachehri me bulake Apna Deedar diya karenge, yaani Bedaari ki haalat me Deedar hoga!
Hazrat Shaykh Muhaddis Dehalvi Rehmatullah Alaih Hindustan aaye aur har Peer ki raat Aaqa SallAllahu Alaihi wa Aalihi wa Sallam ki Kachehri me jaate they.
Aur kuch Bade Aulia Allah aiss bhi hue jaise Hazrat Shaykh Sayyed Ahmed ar Rifayi RadiAllahu Anhu, jab Aaqa SallAllahu Alaihi wa Aalihi wa Sallam ki Bargah me pahunche, to Aaqa unse yun khush they ke jab Durood e Pak padhke Salam arz kiya Ya RasoolAllah Ya Jaddi, Ya Sayyedi, Ya Maulayi, Aap par Salam. To Andar Kabr-e-Aqdas se Aaqa SallAllahu Alaihi wa Aalihi wa Sallam ne Dast-e-Mubarak (Haath Mubarak) nikaala aur farmaya Rifayi Tujhpar Salaam ho aur aapne Dast-e-Mubarak se Musafa kiya!
Bahot Aulia Allah jo Durood-o-Salaam ki Nisbat se Bargah-e-Mustafa me intehayi Qurb paa chuke they, jab Rauza-e-Rasool pe jaate kasrat ke waqiyat hue ke Salam kiya to Andar se Jawab aaya aur saikdo hazaro haazreen ne Aaqa SallAllahu Alaihi wa Aalihi wa Sallam ka Jawab suna!
Zindagi ka wazeefa banaye, Safa-e-Qalb (dilki safayi) aur Muhabbat aur Adab ke saath, khamoshi aur Adab ke saath Aaqa SallAllahu Alaihi wa Aalihi wa Sallam ki Bargah me dhyan karke, khushu aur khuzu se aur kamil himmat aur tawajjoh ko kaayam karke, dilki tawajjoh ko yaksu (concentrate) karke, aankhe band karke Aaqa SallAllahu Alaihi wa Aalihi wa Sallam ki Bargah me Durood-o-Salaam padho! Ye Aadab bhi hain aur Ye Iski Barakaat hain aur umr bhar is wazife ko kaayam rakhen ke jo Barkaten aur Qurbaten aur Aaqa SallAllahu Alaihi wa Aalihi wa Sallam ki Bargah ke saath Nisbaten is Durood-o-Salaam se Nasib hongi wo kisi aur amal ke zariye nasib nahi hotin!"
-Shaykh-ul-Islam Dr. Tahir-ul-Qadri
Allahumma Salli ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim
