1. Jo log kehte hain Meraj kaise mumkin hai, unko Allah Ta'ala ka Jawab!
"Jab Abu Jahal, Abu Lahab, munkireen-e-Makka, motarazeen-e-Meraj, munkireen-e-Meraj, dushmanan-e-Mustafa, Shehr-e-Makka me shor machane lag ke Meraj kaise mumkin hai, Rabb-e-Kainat ne Aayat utaari, kaha: khabardar! Khamosh hoke Meri baat suno, Allah ne kaha! Farmaya: "Subhanallazi Asra Be Abdihi Lailam..." "Paak Hai Wo Zaat Jo Apne Bande ko LEGAYI!" Allah Ta'ala ne kaha khabardar! Ye dawa Mustafa ne nahi kiya, Dawa Khuda ne kiya hai! Mere Mehboob pe tanqeed karke shor machane waalo, Mere Mehboob ne to Daawa kiya he nahi! Mere Mehboob ne to Apni taraf se koi daawa kiya he nahi, to Mere Mehboob pe zubaane kyu khol li hain? Mere Mehboob pe kyu etaraz karte ho, chup karo! Farmaya Mujhe to maante ho? Farmaya maante hain. Mushrikana tareek par he sahi, galat tarike se he sahi magar Allah ko to sab maante they. Sirf unka tarika mushrikana tha, galat tha. To farmaya Agar Meraj ka Daawa Mustafa karta ke Mai Meraj pe gaya, to tum jaake Mere Mustafa se puchte, haq tha! Ab Daawa suno khabardar koi Mustafa ke Darwaze par na jaaye puchne keliye, Daawa khud Maine kiya hai ke "Paak Hai Wo Zaat JO LEGAYI", Mustafa ne nahi kaha ke Mai gaya, Mai keh raha hun ke Mai Legaya!
To ek hota hai khud aana, kisi mehfil me, kisi jagah khud jaana, aur ek hota hai bulaya jana aur teesra hai lejaya jaana. Mustafa Khud nahi gaye, Mustafa Bulaye nahi gaye, Mustafa Lejaaye gaye! Mustafa ko lejaya gaya! Aur lejaane ki jab baat aayi Apni Bargah se Sawari bheji, sabse bada Numainda bheja, aur fir baadme Khabar release hoti haina, jaise press release nahi hoti, khabar jaari hoti hai. To Quran Allah ki Khabar deta hai. Jab Khabar jaari hui " Subhanallazi Asra Be Abdihi Lailam...", dekh rahe they Farishte ke khabar me hoga ke Jibrael ko bheja Mustafa ko le aayen, Burraq ki sawari bheji ke le aayen. Jab Khuda ki Bargah se Quran ki Khabar release hui to LEJAANE me na Jibarel ka Naam na Burraq ka Naam, wahan likha hai hai ke Paak hai Khuda ki Zaat Jo Khud Legayi!
To jo nadan log ye kehke Meraj ka inkar karte hain ke kaise mumkin hai, ya Meraj ko Khwab ka waqiya kehdete hain, nadano Khud Allah kehraha hai ke Mai Mere Mustafa ko Legaya! Kya tum Allah ki Zaat ko is kabil nahi samjhte? ya tum Allah se bade hogaye jo kehte ho ke mumkin nahi ya khwab ka waqiya hai?"
-Shaykh-ul-Islam Dr. Tahir-ul-Qadri
Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim.
2. Meraj aur Apollo Moon Landings
"Jab Abu Jahal, Abu Lahab, munkireen-e-Makka, motarazeen-e-Meraj, munkireen-e-Meraj, dushmanan-e-Mustafa, Shehr-e-Makka me shor machane lag ke Meraj kaise mumkin hai, Rabb-e-Kainat ne Aayat utaari, kaha: khabardar! Khamosh hoke Meri baat suno, Allah ne kaha! Farmaya: "Subhanallazi Asra Be Abdihi Lailam..." "Paak Hai Wo Zaat Jo Apne Bande ko LEGAYI!" Allah Ta'ala ne kaha khabardar! Ye dawa Mustafa ne nahi kiya, Dawa Khuda ne kiya hai! Mere Mehboob pe tanqeed karke shor machane waalo, Mere Mehboob ne to Daawa kiya he nahi! Mere Mehboob ne to Apni taraf se koi daawa kiya he nahi, to Mere Mehboob pe zubaane kyu khol li hain? Mere Mehboob pe kyu etaraz karte ho, chup karo! Farmaya Mujhe to maante ho? Farmaya maante hain. Mushrikana tareek par he sahi, galat tarike se he sahi magar Allah ko to sab maante they. Sirf unka tarika mushrikana tha, galat tha. To farmaya Agar Meraj ka Daawa Mustafa karta ke Mai Meraj pe gaya, to tum jaake Mere Mustafa se puchte, haq tha! Ab Daawa suno khabardar koi Mustafa ke Darwaze par na jaaye puchne keliye, Daawa khud Maine kiya hai ke "Paak Hai Wo Zaat JO LEGAYI", Mustafa ne nahi kaha ke Mai gaya, Mai keh raha hun ke Mai Legaya!
To ek hota hai khud aana, kisi mehfil me, kisi jagah khud jaana, aur ek hota hai bulaya jana aur teesra hai lejaya jaana. Mustafa Khud nahi gaye, Mustafa Bulaye nahi gaye, Mustafa Lejaaye gaye! Mustafa ko lejaya gaya! Aur lejaane ki jab baat aayi Apni Bargah se Sawari bheji, sabse bada Numainda bheja, aur fir baadme Khabar release hoti haina, jaise press release nahi hoti, khabar jaari hoti hai. To Quran Allah ki Khabar deta hai. Jab Khabar jaari hui " Subhanallazi Asra Be Abdihi Lailam...", dekh rahe they Farishte ke khabar me hoga ke Jibrael ko bheja Mustafa ko le aayen, Burraq ki sawari bheji ke le aayen. Jab Khuda ki Bargah se Quran ki Khabar release hui to LEJAANE me na Jibarel ka Naam na Burraq ka Naam, wahan likha hai hai ke Paak hai Khuda ki Zaat Jo Khud Legayi!
To jo nadan log ye kehke Meraj ka inkar karte hain ke kaise mumkin hai, ya Meraj ko Khwab ka waqiya kehdete hain, nadano Khud Allah kehraha hai ke Mai Mere Mustafa ko Legaya! Kya tum Allah ki Zaat ko is kabil nahi samjhte? ya tum Allah se bade hogaye jo kehte ho ke mumkin nahi ya khwab ka waqiya hai?"
-Shaykh-ul-Islam Dr. Tahir-ul-Qadri
Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim.
2. Meraj aur Apollo Moon Landings
"Insan ki tarakki ke har goshe ko Sahib-e-Laulaak Fakhr-e-Mojudaat Huzoor Rehmat-e-Aalam SallAllahu Alaihi wa Aalihi wa Sallam ka Faiz hai. Aur Aaqa SallAllahu Alaihi wa Aalihi wa Sallam ke Zamana-e-Nabuwwat me aql-e-insani ne kurra-e-arzi par muheet fiza ke gilaaf ko aboor karte hue Chaand par pahunchkar Mojza-e-Meraj un Nabi SallAllahu Alaihi wa Aalihi wa Sallam ke Imkaan (possibility) ki nishandahi kardi!!"
-Shaykh-ul-Islam Dr. Tahir-ul-Qadri
3. Sirf 3 Din ka Khana Kurban karne par Allah Ta'ala ki Ata: Ye hai Ahle Bayt ka Muqaam: Imaan Afroz Waqiya
"Imam Wahidi jo Ahle Sunnat me Asbab un Nuzool aur Usool-e-Tafseer par Imam tasawwur hote hain. Imam Wahidi ne riwayat kiya aur isko Imam Fakhruddin Raazi ne bhi aage riwayat kiya aur bahot saari tafseeron me ye aaya hai Tafseer al Mazari Qazi Sanaullah Panipati tak sabne liya hai.
[Raazi, Tafseer al-Kabeer, Volume 30, Page 243] Isme waqiya ye hai ke Sayyeduna Imam Hasan wa Sayyeduna Imam Hussain (Alaihi-mussalam) Dono bimaar hogaye. Aaqa SallAllahu Alaihi wa Aalihi wa Sallam Ghar tashreef legaye. Aur Aapne farmaya ke Inke liye Nazar karo (Mannat Maano). To Sayyeduna Ali al-Murtaza KarramAllahu Wajhahul Kareem ne, Sayyeda Fatima tuz-Zahra Salamullahi Alaiha ne aur Aapki Khadima Hazrat Fizza RadiAllahu Anha ne mannat maan li ke agar Hasanain Kareemain Shifayaab hogaye to 3 Roze rakhenge. Sayyeduna Ali al-Murtaza ne Khayber ke ek yahudi sham-un ya sam-un dono naam aaye hain kutub me, usse kuch karza liya ya kuch kaam karke ujrat ke taur par kuch liya aur wo thode se paise jo aaye usse Aapne ehtemam kiya 3 Roze rakhne ka. Pehla din aaya jab iftar ka waqt aaya to Jo roti banayi gayi, darwaze par ek shakhs ne aakar aawaz di Ay Ahle Bayt-e-Muhammad (SallAllahu Alaihi wa Aalihi wa Sallam) mai miskin hu, bhooka hun. Sayyeda-e-Kainat RadiAllahu Ta'ala Anha ne sabse puchakar roti aur jo kuch paka tha wo uthakar saara miskin ko dediya aur Khud Paani se Roza Iftar karliya Sabne. Agle din Roza rakha, jo bacha fir wo pakaya, Iftar ka waqt hua shaam ko to ek aur sayil aagaya usne kaha mai yateem hun. Aapne saara kuch uthakar jo paka hua tha usko dediya Khud Paani se iftar karliya. Teesre din Roza rakha to fir ek sayil aagaya usne kaha mai kaidi hun Khuda ke liye mujhe kuch den bhuka hun, Aapne saara kuch usko dediya Khud Paani se Iftar karliya.
Teeno din jab paani se iftar hota raha to bhook ki wajah se aur Gharme chunke khane ka kuch na bacha, Hasanin Kareemain Shifayaab to hogaye they magar bhook ki wajah se Unke Pyare Pyare Chehre bhi murjha gaye. Sayyeduna Ali Sher-e-Khuda aur Sayyeda Fatima tuz-Zahra (Salamullah Alaihim) ke Chehron par bhi bhook ke asarat bilkul numaya hogaye, hatta ke Unka Pet Andar ki taraf lag gaya. Hazrat Ali RadiAllahu Ta'ala Anhu Hasanain Kareemain ko leke Aaqa SallAllahu Alaihi wa Aalihi wa Sallam ki Bargah me pahunche. Aap SallAllahu Alaihi wa Aalihi wa Sallam ne Hasanain Kareemain ka Chehra dekha, Hazrat Ali ka Chehra Dekha, Uthke Ghar aaye Sayyeda Fatima tuz-Zahra ka Chehra dekha. Pucha kya majra hua, to Unhone Pura Waqiya bataya. Bus itni baat hui thi Imam Wahidi Riwayat karte hain aur Imam Fakhruddin Raazi ne Tafseer al-Kabeer me isko darj kiya hai aur Allama Zamakshari ne halanke wo mutazali hain, aur mutazila roohani baaton ko zyada manne wale nahi they, bade roshan khayal aur jadid zehan ke modernist log they mutazila aur hatey hue thode thode baaz afkar me raaste se jo mutazila they, Allama Zamakhshari mutazila aaimma me se hain magar nahaw aur tafseer ke bade Imam aur authority hain, wo bhi apni tafseer Kashhaf me riwayat karte hain, aur ye pura waqiya Hazrat Abdullah ibne Abbas RadiAllahu Anhuma ne riwayat kiya hai. To Jab Aaye Aaqa SallAllahu Alaihi wa Aalihi wa Sallam Gharme aur ye Waqiya suna aur dekha ke Sayyeda Fatima tuz –Zahra ki Aankhon me bhi Siyah Halke padgaye aur Shahzadon ke halke dekhe to Aaqa SallAllahu Alaihi wa Aalihi wa Sallam ki Tabiyat pe bojh hua aur abhi kuch fikr aaya he tha ke Jibrael Alaihissalam Haazir hue aur arz kiya Ya RasoolAllah! Lijiye ye Surah Dahar ki Aayaten! Allah Ta'ala ne Surah Dahar ki Aayaten Tohfa Bheji hain Ahle Bayt Fatima tuz-zahra ke liye aapko Mubarak ho. Aur uske baad Surah Dahar/Insan ki ye Aayaten Tilawat ki. (Surah Dahar, Surah no 7 ki Pehla Ruku aur Khaaskar ke Aayat 8 se 10)
Hazrat JIbrael Alaihissalam ye Aayaten lekar Nazil hue aur arz kiya Ya RasoolAllah! Ye Aayaten lijiye Sayyeda Fatima tuz-Zahra aur Unke Gharane Aapki Ahle Bayt ke liye Allah ne Tohfa Bheja hai.
Un Aayat ka Maana ye hai ke "Nazr rakhte hain (yani jo Nazr rakhi thi uska zikr kiya) aur farmaya jab iftar ka waqt aata hai to Khaate nahi, apna Khana khila dete hain Allah ki Muhabbat me, kabhi miskin ko khila dete hain kabhi yateem ko khila dete hain kabhi kaidi ko khila dete hain." Is tafseer ko Hazrat Abdullah ibne Abbas RadiAllahu Anhuma ne riwayat kiya, isi ko jalilul qadr Tabeyi Hazrat Mujahid ne riwayat kiya, Sayyeduna Abdullah ibne Abbas RadiAllahu Anhuma se marvi jo Tabeyin ke zariye jo turk hain tafseer ke, Turuk-e-Arba, sabse zyada muatamad turk, un muatamad tamam turk ne is tafseer ko riwayat kiya hai. Hazrat Mujahid ne riwayat kiya, Hazrat Ata bin Abi Ribah ne riwayat kiya, digar tabeyin ne riwayat kiya aur wo farmate Ye Aayaten Ahle Bayt ke liye naazil huin, fir aage pura waqiya bayan karte hain. [Raazi, Tafseer al-Kabeer, Volume 30, Page 243]. Fir isi tafseer aur waqiya ko Salabi ne bhi Hazrat Abdullah ibne Abbas RadiAllahu Anhuma se riwayat kiya.
EK DILCHASP BAAT
Ab yahan ek dilchasp baat kehdun baaz ahle ilm hain jo is baat ka inkar karte hain ke in Aayaton ka nuzool is waqiya ke peshenazar hua. Is Shan-e-Nuzool ka inkar karte hain aur daleel unki ye hai ke ye Surah Dahar Makki Surah hai. Kehte hain waqiya to Madina ka hai aur surat hai Makki, Naazil hui Makka me, to ye Shan-e-Nuool kaise ban gaya? To zaahiran dekhkar ek aam aadmi aur thoda padha hua aalim, jab ye aitraaz sunta hai ke ye Makki Surat hai to Hasanain Kareemain kahan Paida hogaye? Maula Ali Sher-e-Khuda Alaihissalam aur Sayyeda-e-Kainat Salamullah Alaiha ki Shaadi he Madina me hui thi, Hasanain Kareemain Paida bhi Madina me hue par Surat hai Makki to ye Shan-e-Nuzool kaise ban gaya? Ek aam aadmi ghabra jata hai aur yaqeenan ilm ki kami ho to ghabrahat he hogi.
Iska jawab dena chahta hun aur ye jawab bahot aaimma-e-tafseer ne diya magar Qazi Sanaullah Panipati ko yaad rakhlen, unhone bhi Tafseer al Mazari me iska jawab diya.
Isme koi shaq nahi ke Surat Makki hai, magar yaad rakhle kisi Surat ka Makki hona ya Madni hona is baat ko laazim nahi hai ke us Surat ki koi ek Aayat ya do, char, paanch, das Aayaten bhi agar Makki Surat ho to Madina me naazil nahi hoskati ya Madni Surat ho to Makka me naazil nahi ho sakti, ye sirey se koi tasawwur Usool-e-Tafseer me nahi hai. Beshumar Suraten aisi hai jo Madni hain magar jab Aaqa SallAllahu Alaihi wa Aalihi wa Sallam Makka Haj ke liye gaye to safar me Makka me naazil huin. Hatta ke Surah Maida jo Madni Surat hai aur jo aakhri Aayat naazil hui "Al-Yauma Akmaltu Lakum Deenakum wa Atmamtu Alaikum Naymati." Surah Maida 5:3
Ye Aayat Makka me naazil hui jab Hijjatul Wida farma rahe they, Makka ke Maidan-e-Arafat me naazil hui, lekin Surat hai Madni. Isi tarah kai Suraten Makki, isliye Makki kyunki unka beshtar hissa Makka me utar chuka tha, kuch Aayaten Madina ke daur me utarne se us Surat ke Makki Surat hone me koi fark nahi aata. Matlab hai ke gaalib hissa, aksar hissa is Surat ki Aaayat ka wo Makka me nazil hua. Makka se murad Makki Zindagi ke daur me nazil hua aur koi Surat Madni ho aur Makka me uski kuch Aayaten nazil hojayen to fark nahi padta, matlab ye hai ke beshtar Aayaten saari daur-e-Madni me nazil huin aur kabhi agar Makka ke safar me is Surat ki aayaten nazil hogayi to still wo Surat Madni he rehti hai. Aur Makki Surat ki kuch Aayaten Madina me naazil hoagyi to still puri Surat Makki rehti hai. Ye Usool-e-Tafseer ka Musallama qaida hai. Ye ek jawab.
Ab is par dusra jawab. Jo log is baat ka inkar karte hain ke Sayyeda Fatima tuz-Zahra aur Sayyeduna Ali Sher-e-Khuda (Salamullah Alaihim) aur Sayyeduna Imam Hasan aur Sayyeduna Imam Hussain (Alaihimussalam) ahle Bayt-e-Nabuwwat ke liye ye Shan-e-Nuzool nahi hai, jo ye khayal karte hain aur wo iski jagah Ansari Sahabi ka ek waqiya bayan karte hain ke ye ek Ansari Sahabi ka waqiya tha. Makatil ka ek qaul hai ke Ansari ek shakhs tha usne khana miskin, yatim aur aseer ko khilaya uske haq me Aayat nazil hui. Jo Ahle Bayt ke liye Shan-e-Nuzool ka inkar karte hain wo iske badle koi to Shan-e-Nuzool denge na to wo Shan-e-Nuzool Ansari Sahabi ka waqiya bayan karte hain. To ab uspar jawab deta hun! Allah ke bando! Chalo ek lamhe ke liye ahle Bayt ke liye Shan-e-Nuzool na maane, aapki baat maanle ke wo Shan-e-Nuzool hai Ansari Sahabi ka waqiya. To bataiye Ansar kab paida hue? Wo Hijrat-e-Madna se pehle Ansar kab they? Wo bhi to Hijrat-e-Madina ke baad hue, Ansar aur Muhajareen ka wujood kab aaya? Hijrat se pehle ya baadme? Makka se Hijrat karke aaye wo Muhajareen kehlaye aur Madina me unki madat karne waale Ansar kehlaye. Hijrat-e-Madina se pehle jab Huzoor Alaihissalam Makki daur me they jab ye Surat utri Makki, tab na koi Ansari tha na Muhajeer tha. Agar Ahle Bayt ki baat aajaye to aapko Makki Surat yaad aajati hai aur Shan-e-Ahle Bayt ka inkar karne me ye bhool jaate hain ke dusra waqiya jo aap lana chahte hain wo bhi Ansari Sahabi ka uska talluq bhi Madina ke daur se hai.
Aur fir ye jo teesre din kaidi aaya jisko khana khilaya ye kaidi Makki daur me to they he nahi! Kaidi to bane he Hijrat-e-Madina ke baad jab jange hui aur kaidi hokar aaye! Gazwa-e-Badr me kaidi bane, Madina ke daur me jangon ke natije me kaidi bane they, wo khana mangne aate they. Jab Quran ne kaha ke kaidi ko khana khilaya to kaidi ke lafz ne saabit kardiya ke waqiya Madina ke daur ka hai!
Lihaza fark nahi padta, do, chaar Aayaten ek Surat ki agar Madina me nazil hui to Surat Makki he rehti hai. Aur Shan-e-Nuzool wahi hai jisko kasrat ke saath Sahaba, Tabeyin aur Aaimma ne riwayat kiya.
Ab Sayyeda Fatima tuz-Zahra Salamullahi Alaiha ne miskin, yateem aur kaidi ko khana diya aur Khud faaka kiya uspar Surah ad-Dahar me Allah Rabbul Izzat ne Unka Zikr kardiya! Aur Zikr karke fir aage yahan tak nahi fir uske baad Unko kaha ke Inko Jannaten Naseeb hongi aur jis tarah Khud pyaase aur bhooke rahe, Ye Jannat me pyaason ki pyaas bujhaenge, Inko Chasme ata kiye jaenge aur Inke isharon se Jannat ke chasme chalenge, jisko pilana chahenge pilaenge! Inke itne darje ata hone!
3 din ka sirf khana kurban kiya to Allah Ta'ala ne Jannat Dedi
To 3 Din Karbala me Jo Ali Asgar, Ali Akbar diye Uska Badla Kya Kya Diya Hoga Allah Ta'ala ne!!!"
SallAllahu Alaihi wa Aalihi wa Sallam
Alaihim Afdalus Salawatu was-Salaam
-Shaykh-ul-Islam Dr. Tahir-ul-Qadri
4."Wilayat 2 tarah ki hain. Ek Wilayat e Kubra yaani Badi Wilayat aur dusri Wilayat e Sugra Choti Wilayat. Jaha Wilayat e Sugra ki inteha hai wahase Wiilayat e Kubra ki Ibteda hai. Aaqa SallAllahu Alaihi wa Aalihi wa Sallam ne Maula-e-Kainat Sayyeduna Maula Ali Sher e Khuda KarramAllahu Wajhahul Kareem ko Ghadir e Khum ke Muqaam par "Man Kuntu Maula Fa Haza Aliyyum Maula" yaani jiska Mai Maula uska Ali Maula. Aur Jiska Mai Wali uska Ali Wali. Ye Aylan Karke Sayyeduna Ali Alaihissalam ke Zariye Ummat ki Rehnumayi keliye Wilayat ka Darwaza Khola. Ye Wilayat e Kubra Thi. Yaani Imam-e-Wilayat banaya. Sayyeda-e-Kainat Salamullahi Alaiha bhi Is Muqaam par Thin. Fir Hasanain Kareemain Alaihi-Musaalam ko Ye Muqaam Hasil hua. Fir Imam Zainul Aabideen Alaihissalam Samet Purey 11 Imam is Muqaam pe Faaiz hue aur Huzoor Sarkar Gaus ul Aazam RadiAllahu Ta'ala Anhu ko bhi Ye Muqaam Ata hua isliye ab Har Wali Huzoor Sarkar Gaus e Aazam ka Gulam hai. Fir jab 12we Imam Sayyeduna Imam Muhammad Mahdi Alaihissalam ka Zahoor hoga to Aapko bhi ye Muqaam hasil hoga aur Aap par Wilayat ka Darwaza band hojayega yaani Aapke baad koi Wali nahi banega kyunki Qayamat bahot kareeb he hogi us waqt.
To Ye Muqaam Jisey Gausiyat e Kubra bhi kaha jata hai wo sirf In Hastiyo ko Nasib hua aur baaki jitne Aulia hain Sabko Wilayat e Sugra ata hui. To In Mubarak Hastiyo me Jo 6th Imam Hue Unka Naam hai Sayyeduna Imam Jafar Sadiq Alaihissalam!!
Aap Sayyeduna Imam Hussain Alaihissalam ke Pote Sayyeduna Imam Muhammad al Baqir Alaihissalam ke Shehzade Hain. Aur Aap 2 Turk se Sayyeduna Siddiq-e-Akbar RadiAllahu Ta'ala Anhu ke Nawase hain, isliye Aap Farmaya karte ke Mai Hazrat Abu Bakr Siddiq RadiAllahu Ta'ala Anhu Ka Dohra Beta Hun!!
Wilayat ka matlab hota hai Marifat yaani Baatini Uloom ka Ilm. To Aap sabse Unche Muqaam e Wilayat pe Faaiz They, magar Zaahiri Ilm me bhi Aap Jaisa koi na tha isliye to Saare Muhaddiseen aur Fuqaha ke Imam, jinhe Imam e Aazam kaha jata hai, Wo Imam Abu Hanifa RadiAllahu Anhu kehte hain Zindagi ke jo 2 Saal Mai Imam Muhammad Baqir aur Imam Jafar Sadiq (Alaihi-Mussalam) ke Kadmo me baitha, agar wo 2 saal meri zindagi me na hote to mai halaak hogaya hota!!
Yaani Imam Jafar Sadiq Alaihissalam ka Wo Ilmi Muqaam wa Martaba hai ke jo Unke Kadmo me baith jaaye (yaani gulami, shagirdi me aajaye) to wo "Imam-e-Aazam" hojaye!!
Ye to They Deeni Uloom, Scientific Knowledge me bhi Aapka koi Saani nahi.
Chemistry ke founder Imam Jafar Sadiq Alaihissalam Hain aur Mashoor Islamic Scientist Jabir ibne Hayyan, Aap he ke Shagird hain!! Kitabo me Aapke aur bhi Zabardast Scientific Knowledge aur Contribution ke bareme bhi aaya hai!!
To isi tarah Kitabo me aata hai ke 22 Rajjab ul Murajjab ko Allah Ta'ala ne Aapko Gausiyat-e-Kubra ke Muqaam pe Faaiz Farmaya, iske Shukrane ke Taur pe Aapne Niyaz banake logo ko Khilaya."
-Shaykh-ul-Islam Dr. Tahir-ul-Qadri
5.
https://www.youtube.com/watch?v=GNM94v0A9dA
5.
Waqia E Karbala Ya Hussain A S Paigam E Hussain ↓↓LINK
https://www.youtube.com/watch?v=GNM94v0A9dA
6.
Muhabbat-e-Ahle Bait aur Zikr-e-Hussain A S
↓↓ LINK
https://www.youtube.com/watch?v=zxmBzY2CWU8
6.
Imam Gazali farmate hain (Hafees-e-Pak hai ke) jiski umr 40 baras tak pahunch gayi aur wo 40 ko cross kargaya, magar uski zindagi me Khair, shar ke upar gaalib na aayi, yaani uski Khair ne shar ko control nahi kiya, uski zindagime khair ke pehlu, shar ke pehlu pe gaalib nahi aagaye, cha nahi gaye, neki badi par cha nahi gayi, ta'aat mukaraat par agar gaalib nahi aagayi, yaani zindagi ne naya rukh ikhteyar nahi karliya, aisa rukh jisme har pehlu me khair galib ho, neki gaalib ho, ta'aat gaalib ho, bhalayi gaalib ho. Agar aisa na hosaka aur 40 baras ki umr cross kargaya, to farmaya ke fir wo apni tayyari karle jahannum ki!
Aur Imam Gazali ne kaha ke jis shakhs ki ek sa'at badhi, ek ghanta guzar gaya, ek din, ek hafta guzar gaya, saal guzar gaya, to agla lamha aagaya, agla ghanta aagaya, agla din aagaya, agla hafta aagaya, magar uske Amal-e-Saaleh me izafa nahi hua, uski zindagi me khair ka izafa nahi hua, uski zindagi me Neki ka jo amount hai, Neki ki Quality hai, usme zyada izafa nahi hua, khair ka Imaan ke Noor ka Izafa nahi hua, to Imam Gazali farmate hain usne apni zindagi me hasrat badha li, usko siwaye hasrat ke kuch nasib nahi. Hasrat kya hai? nuksan aur khasara hai A'azubillahi minashshaytan nirrajim "Wal Asr! Innal Insana Lafi Khusr!" Wo khasare me chala gaya, ghaate ka sauda hai uski zindagi! Khasara he khasara hai agar zindagi khair me izafa hue bagair aage chalti rahe to khasara he khasara hai! Bus khasare se wohi log bachte hain jo Imaan bachalen, Amal-e-Saaleh bachalen, Haq keliye kaam karlen aur pareshani me sabr karle. Imaan, Amal-e-Saleh, Haq aur Sabr, in 4 chizo ka jisne samaan karliya, wohi zindagi ke khasaare aur hasrat se bach gaya! Aur jo in 4 Chzio me izafa nahi karsaka, uski zindagi ka har lamha hasrat hai aur khasara hai aur barbadi hai!"
Imam Gazali, Ayyuhal Walad, 93
-Shaykh-ul-Islam Dr. Tahir-ul-Qadri
7. HUZOOR NABI E KAREEM Sallallahu alaihi Wa aalihi wasallam jab safar ka iraada farmate to apne ahlo ayaal me sab ke baad jis se guftugu farma kar safar par tashreef lejate wo KHATOON E JANNAT HAZRATH SYEDA FATIMA Salamullah Alaiha hoti,
aur Safar se wapasi par sab se pehle jiske paas tashreef laate wo bhi KHATOON E JANNAT HAZRATH SYEDA FATIMA Salamullah Alaiha hoti.
(Sunan e Abu Dawood,Hadith no:4213)
"Huzoor ka Ism-e-Pak hai Muhammad (SallAllahu Alaihi wa Aalihi wa Sallam). Jab Kainat me kuch bhi na tha to Allah Ta'ala farmata hai 'Mai Chupa Hua Khazana Tha.' (Ajolani, Kashful Khafa, Hadees No. 2016) Mujhe Chahat hui ke Mai jaana jau. To jaana jaane ki chahat hui, Wo Khazana kis Shaye ka tha? Wo makhfi Husn ka Khazana tha. Rab ne Kaha Maine Chaha ke Mere Husn ko Jaana jaaye to Maine khalq ko paida kiya. Aur Pehli Khalq Jisme Husn-e-Khuda ki Maarifat li aur Jo Uske Amr-e-Kun ka Naqshe Awwal Bana, aur Uski Chahat aur Tawajjoh ka Pehla Markaz bana, Wo Khalq-e-Awwal Mustafa Thi. So Mustafa ne Khuda ki Hamd ki, Uski Hamd hui Wo 'Mehmood' Hogaya, qki Hamd karne waali Zaat Makhlooq thi, Huzoor Alaihiswalatu was-Salaam kya hain Khaliq hain ya Makhlooq? Makhlooq hain. So Makhlooq ne Khuda ki Hamd ki Uske Husn ki Hamd ki wo Mehmood hogaya.
Us Mehmood ko Hamd karne wala itna Pyara laga ki fir Usne Uski Hamd ki! Makhlooq ne Khaliq ki Hamd ki to Wo MEHMOOD hua jab Khaliq ne Is Makhlooq ki Hamd ki to Wo MUHAMMAD Hua.
Farmaya Mehboob Parda Hamd ka hai Mai Mehmood Hun aur Tere Naam ko Apne Naam Mehmood me se nikala hai. So Naam-e-Muhammad Khuda ke Hamd ke Parde me tha, jab Wo Mehmood Hua to Us Mehmood ne Mehmood se Muhammad nikala!
To logo sunlo (Ism-e-)Muhammad ko Usne Apni Hamd ke Pardo me chupa rakha tha AUR HASAN AUR HUSSAIN YE 2 NAAM KHUDA NE APNE HUSN KE PARDE ME CHUPA RAKHE THEY.
"MUHAMMAD" ka Madda HAMD hai
aur
"HASAN" aur "HUSSAIN" ka Madda HUSN hai.
Baat sirf itni nahi ke sirf Naam Allah Ta'ala ke Husn ke Parde se liye gaye balke kaI Ahadees se pata chalta hai ke jab Qayamat kaayam hogi to Allah Ta'ala Jannat ke Husn ko bhi Hasan aur Hussain ke Husn se aarasta karega!" (InshaAllah Wo Ahadees Reference ke saath page pe share ki jayengi)
(SallAllahu Alaihi wa Aalihi wa Sallam
Alaihim Afdalus Salawatu was-Salaam)
Durood-e-Ahle Bait
Allahumma Salli ala Muhammadinil Mustafa Wa Ali al-Murtaza wal Batool Tayyiba was Sibtaynil Hasani wal Hussain Wa Salliala Zain Al-Aabideen wal Baqir Wa Ja'afar Al-Sadiq wal Khadim Wa Ali Al-Ridha wa Muhammad Al-Taqi wan Naqi Wa Ala Hasan Al-Askari wa Salliala Imam Al-Hujjah Sahib uz-Zaman Muhammad Al-Mahdi Al-Muntazar
