Moula Imam -E- Hussain (A.S)

1. Ahle Bayt ke Saath "Alaihissalam" kaha karo!

"Mujhe hairat hai unlogo ki aqal par aur unlogo ke mablagey ilm par ke wo Ahle Bayt-e-Athar ko (aur khususan) Sayyeduna Maula Ali al Murtaza KarramAllahu Wajhahul Kareem ko "Alaihissalam" kehne par aitraaz kya karte hain? jo shakhs aitaraaz karey usko kahe ke maine abhi kaha 'Assalamu Alaikum' aap par salam ho, aur aapne kaha walaikas salam tumpar bhi salam ho. Tujhpar bhi Salam hota rahe aur mujhpar bhi Salam hota rahe halal hai magar Aal-e-Mustafa pe Salam hojaye to tumhe taklif hogayi?

Hum sab ek dusre pe Salam bhej rahe hain Assalamu Alaikum, wo kehta hai Walaika ssalam. Aapas me ek dusre pe Salam bheje halal hogaya aur Nawasa-e-Mustafa par Salam bheje to maazAllah najayez hogaya?

Mai to ye samjhta hun Ye Wo Ahle Bayt Hain ke Ye Salam bhi shayad Jinki Khatir zameen pe utra hai! 'Salam' Islam se hai aur Islam Hasan aur Hussain se hai! Islam ki Baqa Hussain se hai! Jo is Salam ki Baqa ka Sabab hai, zalimo Unpar Salam kaha to tumko problem hogaya?

To lugvi (language) aitabaar se dekhe to har musalman par Salam hai. Magar Shar-an, technically "Alaihissalam" Ahle Bayt keliye hai kyunke Allah Pak ne Huzoor ke Saath Salamati me Ahle Bayt ko bhi Shamil kiya hai. Aur Huzoor ki Zaat par Jo Durood hota hai Usme bhi Shareek kiya hai.

"RadiAllahu Anhu" ye Neymat to Allah ne sabko ata ki jinse Wo Raazi hua! Isme bhi Ahle Bayt Aoula Darje me RadiAllahu Anhu! magar sabko Apne Habib ke Saath Halat-e-Namaz me Durood me Shamil nahi kiya!

Aap dekhiye hum Ahle Sunnat jab Durood-e-Pak padhte hain aam taur par bagair Namaz ke, to kehte hain Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim. Bil umoom jab hum Durood padhte hain to Aaqa SallAllahu Alaihi wa Aalihi wa Sallam par, Aapki Aal Par aur Aapke Sahaba par padhte hain, ye hai aam maamul.

Lekin jab Durood padhne ka Hukm hua Halat-e-Namaz me to Allah ne Halat-e-Namaz me Apne Habib Mustafa ke Saath Durood Sirf Aal-e-Mustafa pe Khaas kardiya hai! Wahan hum padhte hain Allahumma Salle Ala Muhammadiw wa Aale Muhammadin kama Sallaita Ala Ibrahim wa Ala Aale Ibrahim. Halat-e-Namaz me Durood pe Paygambar ke Saath Aal-e-Paygambar ko Shamil kiya. Allahumma Baarik Ala Muhammadiw wa Ala Aale Muhammadin. Aaqa SallAllahu Alaihi wa Aalihi wa Sallam waha bhi Nasihat farma sakte they ke Sahaba ko bhi yaha shamil karo!

Magar Ahle Bayt Wo Hain Jinhe Allah ne Apni Ibadat ke andar bhi Huzoor ke Salat me Shamil kiya hai! To Jis Allah ne Apni Namaz aur Apni Ibadat me Aal-e-Rasool ko Rasool ke Saath Salat aur Salam me Shamil kiya hai lihaza Unka Jab Naam liya jaaye to "Alaihissalam" kaha jaaye!

Ahle Sunnat ke Aaimma, Hanafi bhi Shafeyi bhi Maliki bhi Hanbali bhi, Aaimma Muhaddiseen Fuqaha Mufasireen Ahle Sunnat ke, unka hamesha sadiyo se maamul raha aur hamari Kitabe Ahadees ki Tafseer ki kitabe bhari padi hai Matbua Kutub, maamul raha hai jab wo Ahle Bayt-e-Athaar ka Naam lete to Unke liye Alaihissalam kehte they, likhte they, Kitabo me maujood hai!

Isliye jo aitaraaz karey, uska matlab hai ke usey kitabe padhne ki bhi taufeeq nahi hui.

Mai kabhi kabhi agar waqt fursat ho to teeno sigey (RadiAllahu Anhu, Alaihissalam, Salawatullah Alaihim) Unke liye istemal karta hun ke Saara Kuch Unhi par Qurban hai!
Raza, RaziAllahu Anhu bhi Unhi par Qurban, Salam bhi Unhi par Qurban aur Salat bhi Unhi par Qurban aur hum bhi Unhi par Qurban! Aur ab aage meri baat karta hun, Mera Deen, mera Imaan mera Islam bhi Unhi par Qurban! Aur hum sabki aulad bhi Unhi par Qurban!

Jab Ahle Bayt-e-Athaar ki Baat aaye to Mohabbat wala dil samundaro ki tareh khula karliya karo! Aapka Dil thaate marte hue samundar ki tarah Unki Mohabbat me mojzan hojaye! Aisi aadat apnaaye!
Jiska Mujhse talluq hai, jo meri baat manta hai, wo apne aapko Unki Mohabbat ka Samundar banale!"

SallAllahu Alaihi wa Ala Aalihi wa Sahbihi wa Baarik wa Sallim

-Shaykh-ul-Islam Dr. Tahir-ul-Qadri

Allahumma Salle wa Sallim wa Baarik Ala Sayyedina wa Maulana Muhamaadiw wa Ala Aali Sayyedina Muhammadin Ala Qadr-e Muhabbatika Feeh
Ay Allah hamare Aaqa wa Maula Huzoor Muhammad (SallAllahu Alaihi wa Aalihi wa Sallam) par aur Aapki Aal par Itne Durood-o-Salaam aur Barkaten Naazil Farma Jitni Tujhe Unse Muhhabbat hai.

2. 

"Arey Haq pe kaun tha janna ho to sirf kabr ka muazna karo. Imam Hussain ki Kabr aur yazid badbakht ki kabr.

Hussain ki Kabr, Arsh bhi Rashq karta hai uske Husn par! Aur yazid ki kabr par kuda kirkat phenkte hai log thukte nahi hai us bayimaan ki kabr par. Maine dekhi hai wo jagah. Maqbara baab us sagheer Damishq me maine dekhi hai wo jagah. Thukta koi nahi hai kyunki wo haar gaya."

Shaykh-ul-Islam Dr. Tahir-ul-Qadri

Allahumma Salli wa Sallim wa Baarik Ala Sayyedina Muhammadiw wa Ala Ahlul Bayt

3. "Teen Hastiyan Hain Sayyeda-e-Kainat ki Godh me palne waali. Imam Hasan-e-Mujtaba ki Wiladat 3 Hijri me hui hai, 7 saal paaye Aaqa ki Bargah me. Imam-e-Hussain ki Wiladat 4 Hijri me hui. Aur Sayyeda Zainab Jo Karbala-e-Mualla me gayin, Unki Wiladat 5 Hijri me hui. Logo ko ye maalum nahi Sayyeda Zainab bhi 5 saal tak Mustafa ki Godh me Pali hain! Logo ko ye baat malum nahi Unka Tazkira chunke kum aata hai. Dono Shahzade aur Sayyeda Zainab, Huzoor ki Ye Shahzadi, Teeno Aaqa ki Godh me Pale hain."

SallAllahu Alaihi wa Aalihi wa Sallam
Alaihim Afdalus Salawatu was Salaam

-Shaykh-ul-Islam Dr. Tahir-ul-Qadri

Allahumma Salli wa Sallim Ala Sayyedina Muhammadiw wa Ala Aali Sayyedina Muhammadin.

4. Imam Hussain Alaihissalam ne Shehzade Abdullah Ali Asgar Alaihissalam ke khatir paani NAHI maanga.

Wo riwayat galat hai jisme paani mangne ka zikr aaya hai. Imam Hussain yazidiyo se paani nahi mansakte. Ye Aapke Muqaam-e-Raza ke khilaf hai. Agar paani mangna he tha to yazidiyo se kyu maangte? Ibrahim Alaihissalam ke Bete ne pyaas me apni aidi ragdi to zamzam ka paani nikla. To Imam ul Ambiya ke Shehzade ek aidi maarte to Khuda ki Qasam laakh chasme behne lagte. Ek nazar aasman ki taraf dekhte to aasman itni barish barsata ke zameen ki pyaas bhi bujh jaati. Magar ye Muqaam-e-Raza tha aur Muqaam e Raza, sabr ki sabse unchi manzil hai. Ye aisa muqaam hai ke bade bade Auliya is muqaam pe aakar fisal gaye.

To sawal paida hoga ke Sayyeduna Ali Asgar Alaihissalam ki Shahadat kaise hui? 2 Riwayaten hain, Ek riwayat "Al Bidaya wan Nihaya: 8/186" ke mutabik Aapko Imam Hussain Alaihissalam ke paas diya gaya to Imam-e-Aali Muqaam Apne Shehzade ko Pyaar karne lage. Aur fir Apne Ahlo Ayaal ko Nasihat farmane lage. Isi asna me ek badbakht ne teer maara aur Imam Ali Asgar Alaihissalam ke gulab se bhi nazuk halaq me paiwast hogaya aur Aapki Shahadat hogayi.

Aur dusri riwayat "Tarikh e Tabari 6/133" ke mutabik Sayyeduna Ali Asgar Alaihissalam ki Wiladat he Maidan-e-Karbala me hui. Aapki Wiladat hone ke baad Aapko Imam-e-Aali Muqaam ke paas diya gaya. Aap Apne Shehzade ke Kaano me Azaan derahe they teer aaya aur Aapke Halaq Mubarak me paiwast hogaya aur Aapki Rooh Parwaaz hogayi. Imam Hussain Alaihissalam ne teer nikala aur chullu bhar khoon lekar Unpar mala aur farmane lage:

"WAllah! Tu Khuda ki Nazar me Hazrat Saaleh Alaihissalam ki Untni se zyada azeez hai aur Hazrat Muhammad SallAllahu Alaihi wa Aalihi wa Sallam Khuda ki Nazar me Hazrat Saaleh Alaihissalam se zyada Afzal hain. Ilahi agar Tune Humse Apni Nusrat rok li hai to wohi kar jisme behtari hai."

Shaykh-ul-Islam Dr. Tahir ul Qadri ka lecture "Imam Hussain Alaihissalam ka Muqaam-e-Raza" ye bayan sune ke Muqaam-e-Raza kya hota hai aur kyu Sayyeduna Imam Hussain Alaihissalam aur Sayyeda Bibi Zainab Salamullahi Alaiha ke Sabr ko Sabse Azeem Sabr kaha jata hai.

5. Muhammad Bin Ali RadiAllahu Anhuma farmate hain ke Huzoor Nabi-e-Akram SallAllahu Alaihi wa Aalihi wa Sallam ke saamne Hasanain Kareemain Alaihi-mussalam Kushti lad rahe they aur Aap SallAllahu Alaihi wa Aalihi wa Sallam farma rahe they: Hasan jaldi karo. Aap SallAllahu Alaihi wa Aalihi wa Sallam se Sayyeda Fatima Salamullahi Alaiha ne arz kiya: Ya RasoolAllah SallAllahu Alaika wa Sallam! Aap Hasan ki Madat farma rahe hain lagta hai Wo Aapko Hussain se Zyada Pyara hai? Aap SallAllahu Alaihi wa Aalihi wa Sallam ne farmaya: (Nahi) Jibrael Hussain ki Madat kar rahe they isliye Maine chaha ke Hasan ki madat karu."

Hazrat Abdullah Ibne Abbas RadiAllahu Anhuma se riwayat hai ke Huzoor Nabi-e-Akram SallAllahu Alaihi wa Aalihi wa Sallam ki Maujudgi me Hasan wa Hussain Alaihi-mussalam Ek Dusre ko pakadne me koshan they ke Aap SallAllahu Alaihi wa Aalihi wa Sallam farmane lage Hasan jaldi karo! Hasan Pakadlo, to Ummul Momineen Aaisha Siddiqa RadiAllahu Anha ne arz kiya: Ya RasoolAllah SallAllahu Alaihi wa Aalihi wa Sallam Aap Chote ke muqabley me Bade ki Madat farma rahe hain. Nabi-e-Akram SallAllahu Alaihi wa Aalihi wa Sallam ne farmaya:
"(Isliye ke) Jibrael-e-Ameen (pehle se he) Hussain ko Hausla dilaatey hue Pakad lo, Pakad lo keh rahe they."..

6. "Ahle Bayt-e-Mustafa se Muhabbat karne waalo, Karbala ka Zikr karne waalo aur Tazkira-e-Karbala me aankho ko bhigone waalo aur Gum-e-Hussain me Aansu bahane waalo. Dilke kaano se suno, gaur se suno, Regzaar-e-Karbala se Aawaz aarahi hai, Mazaar-e-Abbas se Aawaz aarahi hai! Wo Abbas jo Pyaase Shaheed hue they. Wo Karbala ke regzaar me Abbas Alamdar Pyaase Shaheed hue jahan paani ki bund na thi. Shaheed hue, Qabr bani, Rabb-e-Kainat ne Unke Sar ke Kareeb khushk regzaar e Karbala se paani ka Chasma khol diya. Aaj 1400 saal guzar gaye!

Puri kainat ne har taraf Mazaar dekhe hain magar jo Mazaar Hazrat Abbas Alamdar Alaihissalam ka Karbala me nazar aata hai, ye nishaan hai, Asal Qabr-e-Anwar ek purey kamre ke unchayi ke mutabik niche seedhiyo ke niche hai jo sata hai Karbala ke Regzar se. Asal Qabr-e-Anwar niche hai. Us Darwaze ko taala laga rehta hai.

Ye Unka Karam, mai gaya to Iraq ki Hukumat ne Wo Darwaza mere liye khola. Mujhe khabar nahi thi Imaan ki baat hai, Allah Gawah hai mujhe khabar nahi thi. Karbala ka Governor aaya usne kaha upar se order aaya hai ke Qadri Sahab aur inke saat jitne mehmaan hain inko Asal Qabr -e-Abbas par lejaya jaaye! Saaro ko unhone baahar nikaal diya wahase, mujhe kuch khabar nahi thi ke kya maajra hai. Sabko bahar nikaal diya taake log dekhe nahi. Darwaza khola sidhiya utarke niche gaye to darmiyan me Regzaar-e-Karbala ki asal Zameen thi Uspar Abbas Alambardar ki Qabr-e-Anwar thi aur kandho aur seeno tak charo taraf Chasme ka paani behraha tha.

Pyaase Abbas ki pyaas bujhaane keliye Usne Regzaar se Chasma khol diya!! Aur 14 sadiyan guzar gayin wo chasma behraha hai. Band kamra hai seene tak ird gird paani hai. Allah ki Izzat ki Qasam kehraha hun na usme koi taassul tha na bu thi, aise lagta tha jaise taaza paani behraha ho.
Hussain Tere aur Tere Ashaab ki Azmato par Qurbaan jaau."

Alaihim Afdalus Salawatu was-Salaam

-Shaykh-ul-Islam Dr. Tahir-ul-Qadri

Allahumma Salle Ala Jaddil Hasnain wa Ummil Hasnain wa Abil Hasnain wa Ukhtil Hasnain wa Alaihima wa Aalihi wa Baarik wa Sallim

7. Hukumat ke khilaf bagawat karna gunah hai, to kya Imam Hussain Alaihisalam ne bagawat ki thi maazAllah? Aapko yazid laeen ki baat maan leni chahiye thi fir?

"Sayyeduna Imam Hussain Alaihisalam ka Iqdaam katayi taur par na khurooj tha na bagawat thi. Is subject pe sabko bilkul clear hona chahiye.
Baagi ke baareme Tamam Kutub-e-Shariyat me ye shart hai ke sabse pehle wo ek giroh ho jo munaazam hokar kisi ilaake pe kabza karle aur fir musalla (armed, hathiyar waale group) jang kare aur logo ka qatle aam kare. Ab isi taarikh ki ru se bhi aap dekhlen Imam Hussain Alaihiswalatu was-Salaam ki puri struggle me inme se dur dur tak koi shart puri hote nazar aati hai?
Agar Wo ye karna chahte maazAllah jisko khurooj aur bagawat kehte hain, Astagfirullah al Azeem, to Unke liye best Jagah Madina Tayyeba thi, Jahan Unke Nana ka Mazaar Tha, Jahan Madina Tayyeba aur girdo nawa ke log jo Aaqa SallAllahu Alaihi wa Aalihi wa Sallam ki Ism-e-Pak aur Ahle Bayt-e-Athar par Jaan dene ko tayyar they.
Agar Imam Hussain Alaihissalam ka ye Maqsad hota to Wo kya karte, hazaar 2 hazaar jawaan ikhatta karke Madina Tayyeba pe kabza karlete, Usko choti state declare kardete aur Khud Uske Ameer aur Sarbara banjate.

Jaise Sayyeduna Maula Ali al Murtaza KarramAllahu Wajhahul Kareem ke Zamane me Hazrat Muawiya ne Unki Khilafaqt manne ke bajaye Damishq me apni hukumat ka aylan kardiya tha. Halanke Khilafat-e-Rashida aur Khilafat-e-Haqqa Sayyeduna Maula Ali al Murtaza Alaihissalam ki thi. Lekin unhone alag ek hukumat bana li thi jiske naatije me jange hui. To Sayyeduna Imam Hussain Alaihissalam agar is raaste par chalna chahte bagawat aur khurooj ke raaste par to Unke liye to behtareen option tha ke purey Madina ko ek Islamic State declare kardete jo Khilafat-e-Raashida ka ek tasalsul chala aaraha tha siwaye Kufa ke chand saalo ke. Declare kardete aur uske Ameer ban jaate aur logo se Baiyat lelete Madina me. Unhe to Kufa jaane ki zarurat he nahi thi, ye best safe aur secure jagah thi.

Magar Unhone ye nahi kiya! Rawana hogaye Hajj par, Makka ki taraf. Number 2: koi musalla giroh nahi tayyar kiya. 2,4, 5 Hazaar jawan jo Aqeedatmand aur gulaam they Aaqa SallAllahu Alaihi wa Aalihi wa Sallam ke aur Ahle Bayt-e-Athar ke Muhabbat karne waale, wohi musalla lelete. Aapne to ek shakhs bhi talwar wala saath nahi liya qaum me se. To musalla bhi na hue, kabza bhi na kiya qatl-e-aam bhi na kiya kisika. Aur sirf Apne Khanwada-e-Ahle Bayt ko leke chale. Ab jo jang karne ka agar irada ho to wo Sayyeda Zainab ko saath leke jayega? Sayyeda Ruqaiyya ko leke jayega? Sayyeda Umme Kulsum ko leke jayega? Sayyeda Sukaina ko leke jayega? Ali Asgar ko leke jayega? Wo to Chote Chote Shehzade Shehzadiya, Pura Khandan leke gaye. To Unka Chalna aur Unka Ehtamaam is baat ka baiyyan saboot hai ke Wo na Khurooj tha na bagawat thi na iraada-e-jang tha.

Ab fir sawal paida hota hai ke to fit kya tha? Unko pai dar pai khutoot aaye they, kamse kum 500 Tabari ne bayan kiye aur hazaarha ka bhi zikr aaya hai, kufa se. Chunke Islami Qadre mit rahi thi, akhlaaq ki qadre mit rahi thin, Wo Islamic Order jo Aaqa SallAllahu Alaihi wa Aalihi wa Sallam ne diya aur jo Khulafa-e-Rashideen ke Daur me implement raha, jisme Shariyat-e-Islamiya ki hudood ki paasdaari thi, adal tha insaaf tha, sharafat thi, Islam ke nizaam ki khoobiya thi, wo ab saari pamaal horahi thin. sharab ko yazid laeen ne halal declare kardiya tha, wo sirf sharabi nahi tha balke sharab ko halal samjhta tha. aur uske character aalam ye dekhiye ke waqiya Karbala ke baad jab uske khilaf revolt hua to usne Kaabatullah pe hamla kardiya. To Kaabatullah pe hamla karke Kaabatullah ko jala dene wala shakhs, wo kahaka musalman hosakta hai? usne Madina Tayyeba pe hamla kiya aur 3 din tak hukum diya fauj ko ke tumhare upar Madina halal hai, ye lafz uske ke Madina tumpar mubaah hai, aur hazaro Sahaba, Tabeyin aur Sahabiyat ko Shaheed kiya aur 3 din tak Masjid-e-Nabawi me Roza-e-Rasool par apne ghode aur khachhar bandhe aur 3 din tak namaze muattal hogayi aur azaane muattal hogayi. Ye uska character tha, isko kufr-e-bawa kehte hain. halanke agar uske khilaf musalla khurooj hota to wo bhi jayez tha kyunke Hadees-e-Pak me ye hai ke agar musalmano ki riyasat me hukmaraan sarhatan kufr ka irtekaab karde aur Islam ki Qadro ko chod de to fit aap musalla uske khilaf jang lad sakte hain. Isko kufr e sari aur kufr e bawa kehte hain. ye aakhri hadd hai, wo to ye bhi hadd falang chuka tha lekin still Imam Hussain Alaihissalam Dawat Ilal Haq keliye jarahe they, Amr-bil-Maroof keliye jaarahe they aur Nahi-anil-munkar keliye jarahe they, ye Qurani Hukm hai ye Fareeza hai Musalmano ka "Ya'a Maroona Bil Maroof Yan Houna Anil Munkar". Aur pur-aman tarike se Khanwada leke jarahe they kyunke waha (Kufa me) rahe they kuch saal, shanasa they. Aur waha jaake fir raaye-e-aamma hamwar karte, logo ko taleem dete, shaoor bedaar karte, Islami Qadro ko develop karte. Unki struggle puri Pur-aman thi. yazid laeen ye nahi chahta tha ke Ye puraman struggle, puraman Aawaz aage bade. usne fir ubaidullah bin ziyad (lanati) ke supurd karke Aapko raaste me ghera aur fir Maidan-e-Karbala me laake Aapke upar hamla karaya aur fir Aapne Apni Jaan aur Bacho ki Jaan ke defense me jang ladi aur Shaheed hue. So ye dono chize different story hain bagawat aur Imam-e-Aali Muqaam ki struggle."

-Shaykh-ul-Islam Dr. Tahir-ul-Qadri

Allahumma Salle Ala Jaddil Hussain wa Ummil Hussain wa Abil Hussain wa Ukhtil Hussain wa Alaihima wa Aalihi wa Baarik wa Sallim

8. Hazar mahino se Afzal wo EK Raat Kiski hai?

"Jaame Tirmizi ki Abwab ut Tafseer me hai ke Imam Hasan-e-Mujtaba Farmate Hain Mere Baba Tajdar-e-Kainat SallAllahu Alaihi wa Aalihi wa Sallam ne Khwab dekha aur subh pareshan bedaar hue. Aapne farmaya ke Meri pareshani ka sabab ye ke Maine Khwab dekha ke Banu umaiyya ke hukmarano ko Apna Mimbar paamal karte dekha hai. Aaqa farmate hain yake baad digare Mere Mimbar pe baithe, Mimbar-e-Rasool paamal horaha hai.

Subh pareshan uthe, Tabiyat-e-Muqaddasa pe malal tha, us malal ko dur karne keliye, Imam Hasan-e-Mujtaba farmate hain Allah Pak ne Ye Surat naazil farmayi "Inna Anzalna Hu Fee Laylatil Qadr" Shab-e-Qadr ki Surat utri. Aur Surat me hai ke Wama Adraka ma Laylatul Qadr, "kya aap jante hain ye Laylatul Qadr kya hai?" Jawab diya: "Laylatul Qadri Khairum min Alfi Shahra". Shab e Qadr ek hazaar mahino se Afzal hai!

Hadees ke raawi jinhone Imam Hasan-e-Mujtaba se Ye suna wo kehte hain mai tabse sochne lag gaya ke hazar mahine kaunse? To Tirmizi Shareef me hai farmate ke jab waqt guzra aur giney to banu umaiyya ki hukumat ka daur pure hazar mahine bane!

Allah ne Huzoor ka ranj o malal dur karne keliye Surat utaari, Farmaya Mehboob jinko Apne Mimbar ko pamaal karte dekha hai, ek hazar mahine is Mimbar pe hukumat pe baithenge, inke hazar mahino se Mehboob Teri Ahle Bayt ki Ek Raat behtar hai!!

Ye hazar mahine banu umaiyya ke. Hadees to waha khatm hogayi ke hazar mahine banu umaiyya ke hazaar maah hain. Hadees khatam hogayi ab is se aage apna ijtehadi itlaaq karraha hun. Apni Zimmedari par itaalq karraha hun, apni Ilmi zimmedari par itlaaq karraha hun ke jab hazaar maah banu umaiyya ke takht-e-damishq ke hue to unse behtar hai Ek Raat.

To mera wijdaan ye kehta hai jab ek taraf takht e damishq ke hazar mahine hon aur ek raat jo takht e damishq ke hazar mahino se behtar hai Wo Sayyeda Zainab ki Shab-e-Aashur hai! Wo Hussain ki Shab-e-Aashur hai Wo Sakina ki Shab-e-Aashur hai Wo Sayyeda Zainab ki Shab-e-Aashur hai!

Ke wo takht par baithne walo ke ek hazar maah aur Mustafa Tere Shehzado Shehzadiyo ki Khaak-e-Karbala par Wo aakhri Ek Raat."

Alaihim Afdalus Salawatu was Salaam

(Tirmizi, Hakim, Imam Razi Tafseer)

-Shaykh ul Islam Dr. Tahir-ul-Qadri

Allahumma Salle Ala Sayyedatina Zainab wa Ala Ummiha wa Jaddiha wa Abeeha wa Akhwaniha wa Ahle Baytiha wa Baarik wa Sallim

9. "Sayyeda Zainab Shab-e-Aashur me Ibadat Karte Munajat karte kabhi is Khaime me Jaati kabhi us Khaime me Jaati. Ek fikr thi Ye jo Khandaan ke Jawan Hain kal tak Mere Bhai Hussain ki baari aayi to kahi bewayi na kar jaayen. Kabhi unki waha ka jaake imtehaan kartin, fir jab wo pakke nazar aate pukhta nazar aate to jo Ansar o Ashaab they dusre khaandano ke aaye hue wafadar unka imtehan Kartin ke Mere Hussain ka waqt aaye to kahi ye na behak jaaye. Raat Unke Wafadari ke Imtehaan me Rehtin, Munajaat me Rehtin.

Imam-e-Hussain ko dekha usi raat ke lamhe me aur jab dono taraf dekha ke sabne kasam khayi hai ke Apni Jaane Hussain se pehle dedenge, to Hausla hogaya ek lamhe keliye. Idhar se Khaime se Imam Hussain Nikle, Samne se Khaime se Sayyeda Zainab Aarahi Hain, Unki Wafadari ki Shahadten dekhkar ek lamhe keliye magmoom Chehre pe Muskurahat aagayi. Imam-e-Aali Muqaam puchte hain Behan Zainab jabse Madina se Chali ho Aaj Raat tak Tumhe Haste nahi dekha, aaj Muskurahat kaisi hai?

Arz karti hain Bhai Hussain Dono Khaimo se wafadari ki baat sunke aarahi hun.
Behan thodi der Aankh lagale soja, malum nahi kal aur uske baad kya hoga...

Sayyeda Zainab ki halki se Aankh lagi, Khwab me Dekhtin Hain Maidan-e-Karbala hai. Hazaarhaan Hooran-e-Bahisht Anwaar o Tajalliyaat ki Jhurmat me Maidan me utar aayin. Har taraf Noor bikhar gaya Roshani bikhar gayi. Us Jhurmat me Koi Pardadaar Bibi Aagayin Hain aur Wo Aakar Sar Zameen ke Karbala ki ek jagah par jhaadu Derahi Hain. Kankar chun rahi hain pathar chun rahi hain.

Sayyeda Zainab jaake puchti hain: Bibi kya karrahi ho?

Wo farmati hain: Beti Zainab kal jab Mere Hussain ka Laasha yaha girega to kahi Uske Laashe ko kankar na chubh jaaye, jagah saaf kaarahi Hun.

Aap Hain Kaun?

Parda Uthaya to Sayyeda-e-Kainat Thin!"

Salamullahi Alaihim

-Shaykh ul Islam Dr. Tahir-ul-Qadri

Allahumma Salle Ala Sayyedatina Zainab wa Ummiha wa Jaddiha wa Abeeha wa Akhwaaniha wa Alaihaa wa Ahle Baytihaa wa Baarik wa Sallim

10. Wo Imam-e-Hussain They!

"Hazrat Shaykh Bayazid Bustami Rehmatullah Alaih se ek shakhs ne arz kiya ke fla shakhs itna kaamil hai ke ek raat me yahase (Bustam, Iraq) se Makka Muazzama pahuch jata hai. Aap hans pade aur farmaya wo yahase to ek raat me Makka pahunch jata hai aur shaitan ek lamhe me mashriq se magrib pahunch jata hai.
Kisine kaha ke fla shakhs itna Sahib-e-Kamaal hai ke wo paani par chalta hai. Aapne farmaya: Machliya bhi paani par chalti hain aur parinde hawa me udte hain,
Farmaya: Hawao me udna paani par chalna, musafahato ka ek raat me taye karlena, ye saari karamate milkar bhi Mard-e-Haq ki Isteqamat ka zarra nahi bansakti!

Abbaji Qibla ne ye baat mujhe batayi ke ek khitab me dauran-e-khitab kisine unse sawal kiya ke Imam-e-Aali Muqaam Sayyeduna Imam-e-Hussain Alaihissalam Wilayat ke Us Martabe par they aur Us Muqaam par they (yaani sabse Unche Muqaam par). Lekin Unke Hatho Me Unke Ali Asgar bhi Shaheed hogaye Wo kuch na karsake, Saara Gharana pyaas se tadapta raha aur Wo dariya-e-dajla ko bulake paani na pila sake, Ali Akbar Shaheed Hogaye, Wo kuch na karsake. Apne Jism ke tukde tukde hogaye aur Sar katke nezo pe chada diye gaye Wo kuch na karsake, to Unki Karamte kaha gayi?

To Abbaji Qibla ne us sawal karne waale ko jawab diya, Unhone kaha nadaam jin karamato ki tum talash karte ho to wo to Hussain ke karodo gulaam paaw ki thokar se paida karde! Unki Karamat to Isteqamat thi ke Ali Asgar, Ali Akbar aur Saara Khaanwada luta diya aur Aankho se aansu nahi giraye! Khanwada tadapta raha, chahte to Ungli ka ishara karte dajla Unke Kadmo me behta, aasmaan ki taraf Haath uthate, jab tak Hussain Hukm na dete aasmaan barish bahata rehta! Agar Hazrat Ismael ki Aidi ragadne se ek Zam Zam paida hua to Nawasa-e-Mustafa (SallAllahu Alaihi wa Aalihi wa Sallam) Kadam Maarta to laakh chasme nikalte! Karamat ye chashme nikaalna na tha, Karamat pyasa is haal me Khuda ki Raza ka Safar taye karna tha ke kabhi uf bhi na ho, dukh bhi na ho, tangi bhi na ho, gum bhi na ho, shikwa bhi na ho, Maathe pe shikan bhi na ho aur Sar katke bhi neze pe Quran padhta jaraha hai, Karamat to ye hai!

Hazrat Shah Muhammad Gaus Gawalyari, Gawalior se nikle, hindu badshah ne piche fauji bheje, unhone daaku banke Unpe hamla karliya aur loot liya. Hazrat Shah Muhammad Gaus Gawalyari ki 9 saala nawasi Unke piche ghode par thi uske kaano me sone ki baaliyan thi. Kafile ko loot te loot te ek daaku ne haath maara aur Unke Nawasi ki sone ki baaliya khinchi, kaan chirgaye aur khoon ka fawara nikal aaya. Hazrat Shah Muhammad Gaus Gawalyari Apni Nawasi ki khoon ki dhaare dekhin Jalal me aagaye bardasht na karsake, Unke haath me ek chaanta tha, zor se usko lehraya saare daakuo ke sar ek chante se kalam hogaye!

To Walid Sahab Qibla Rehmatullah Alaih ne farmaya ek chante se Sayyeduna Imam-e-Hussain Alaihissalam ke Nasl ke ek Wali ne saikdo ke sar kalam kardiye, tum isko Karamat samajh rahe ho, Unke yaha ye isteqamat me naqs (kamzori) hai! Har ek ka sar kat ta raha bardahst kiya par jab Nawasi ke kaan chire to jo shafaqat-e-pidri hai wo bardasht na karsake aur jo zabt aur sabar tha uska daaman chod diya aur Karamat baruyekaar laakar sar kalam kardiye. Ye Hazrat Shah Muhammad Gaus Gawalyari they...WO Imam-e-Hussain They, Saara Khaanwada Zibah karwadiya, magar Sabr, Tahammul ka daaman Haath se nahi choda! Chahte to saari zameen ke rukh badal ke rakh dete, ek Qayamat bapa hojati, magar nahi! Muskurate hue Sabr aur Raza ke haal me Safar kargaye!
To ye Isteqamat asal Karamat hai!"

Alaihim Afdalus Salawatu was-Salaam

-Shaykh-ul-Islam Dr. Tahir-ul-Qadri

Allahumma Salle Ala Jaddil Hasnain wa Ummil Hasnain wa Abil Hasnain wa Ukhtil Hasnain wa Alaihima wa Aalihi wa Baarik wa Sallim

11. Ye hai Karbala.

Jahan Ahle Bayt-e-Athar ka Khema tha wahase Furaat tak 700 metres se 1 km tak ka fasla tha. Aur iske bich jahannami lashkar khada tha.
Jahan Sayyeduna Abbas Alamdar Alaihissalam ka Roza hai wahapen gaur karen ke us jagah se Khemagah aur Furaat ke bich 1 km ka fasla hai aur hazaro ka lashkar bichme tha matlab 700-800 metre jagah wo lanati lashkar se bhari hogi..aisi jagah pe Hazrat Abbas Alaihissalam cheerte hue Furaat tak pahunchte hain aur Paani lete hain fir is samundar ko cheerte hue wapas aate hain aur aate waqt Shaheed hojate hain ke paani bachane ki wajah se lad nahi paate...
Yaani takriban 1.5 km Aap Akele Khudke Dum pe 1.5 km ka insano ka samundar cheera jo lagatar teer aur talwar se waar karrahe they......

sach kaha hai kehne waale ne.
Jang ki ijazat nahi di Imam-e-Hussain ne
warna Abbas dikha dete Qayamat kise kehte hain.

Aswalatu was-Salaamu Alaika Ya Shuhada-e-Karbala 

12. Hazrat Shahr bin Haushab bayan karte hain maine Huzoor Nabi-e-Akram SallAllahu Alaihi wa Aalihi wa Sallam ki Zouja-e-Mohtarma Hazrat Umme Salma RadiAllahu Anha se suna jab Unke paas Hazrat Hussain ibne Ali Alaihi-mussalam ki Shahadat ki khabar aayi to Unhone ahle Iraq par lanat ki aur farmaya: 

"unhone Imam Hussain ko Shaheed kardiya, Allah Ta'ala unhe halak karde, unhone Aapko dhoka diya aur ruswa kiya, Allah Ta'ala unpar lanat kare. Beshaq Maine RasoolAllah SallAllahu Alaihi wa Aalihi wa Sallam ko dekha ek subah Aap SallAllahu Alaihi wa Aalihi wa Sallam ki Lakhte Jigar Sayyeda Fatimah Salamullahi Alaiha, Aap SallAllahu Alaihi wa Aalihi wa Sallam keliye Sareed banakar ek thaal uthaaye Aap SallAllahu Alaihi wa Aalihi wa Sallam ki Khidmat me Hazir Huin yahan tak ke Unhone wo thaal Aap SallAllahu Alaihi wa Aalihi wa Sallam ke saamne rakh diya. Aap SallAllahu Alaihi wa Aalihi wa Sallam ne Unhe farmaya: Tumhara Chachazaad (yaani Hazrat Ali) kahan hai? Unhone arz kiya: Wo Gharme Hain. Aap SallAllahu Alaihi wa Aalihi wa Sallam ne farmaya: Jao aur Unhe bhi bula laao aur Mere paas Unke Dono Shehzado ko bhi le aao.
Aap bayan karti hain: Fir Aap Apne Dono Shehzado ko is haal me lekar ke Un Dono ke Haath Aapke Haath me they aur Hazrat Ali RadiAllahu Ta'ala Anhu Un Dono ke peeche peeche chal rahe they yahan tak Wo Saare RasoolAllah SallAllahu Alaihi wa Aalihi wa Sallam ke paas Hazir hogaye. To Aap SallAllahu Alaihi wa Aalihi wa Sallam ne Dono Shehzado ko Apni Godh Mubarak me bitha liya. Aur Hazrat Ali Alaihissalam Aap SallAllahu Alaihi wa Aalihi wa Sallam ke Daayen Jaanib aur Sayyeda Fatimah Salamullahi Alaiha Aap SallAllahu Alaihi wa Aalihi wa Sallam ke Baayen Jaanib Baith gaye.
Hazrat Umme Salma RadiAllahu Anha ne bayan farmaya: Huzoor Nabi-e-Akram SallAllahu Alaihi wa Aalihi wa Sallam ne Khaibari Chadar, jo Madina me Hamare Sone ka bichona hoti thi, Mere niche se khiska lee aur usey Un Sabke upar lapet liya aur Apne Baaye Haath me chadar ke dono kone pakad liye aur Apna Daaya Haath Apne Rab Ta'ala ki Taraf Mod diya aur Dua ki:
"Ay Allah! Ye Mere Ahl Hain, Inse har tarah ki paleedi ko door farmade aur Inhe Khoob Paak karde.
Ay Allah! Ye Mere Ahle Bayt Hain, Inse har tarah ki paleedi ko door farmade aur Inhe Khoob Paak karde.
Ay Allah! Ye Mere Ahle Bayt Hain, Inse har tarah ki paleedi ko door farmade aur Inhe Khoob Paak karde."

Maine arz kiya: Ya RasoolAllah! Kya Mai Aapke Ahl me se nahi hun? Aap SallAllahu Alaihi wa Aalihi wa Sallam ne farmaya: Kyu nahi, Tum bhi Chadar me daakhil hojao.
Aap SallAllahu Alaihi wa Aalihi wa Sallam ne Apne Chachazaad Hazrat Ali, Unke Dono Beton aur Apni Beti Sayyeda Fatimah Salamullahi Alaiha keliye Dua farmayi to uske baad Mai bhi Chadar me dakhil hogayi."

Is Hadees ko Imam Ahmed, Tahawi aur Tabrani ne mukhtasaran riwayat kiya hai aur Imam Haysami ne kaha: Isko Imam Tabrani ne riwayat kiya hai aur Iske Raawi Sikah (Sachhe) hain.

Imam Ahmed, Musnad, 6/298, #26592
Imam Ahmed, Fazaeel-e-Sahaba RadiAllahu Anhum, 2/685,686, #1170,1392
Imam Tahawi, Sharhul Mushkil Aasaaa, 2/232
Imam Tabrani, Mujam al Kabir, 3/108, #2818, 23/338, #876
Ibne Asakir, Tarikh-e-Madina ad Damishq, 14/142
Haysami, Majma uz Zawaid, 9/194

13. Rasool-e-Pak SallAllahu Alaihi wa Aalihi wa Sallam ne farmaya:

"Meri Ahle Bayt ki Misaal Nooh Alaihissalam ki Kashti ki tarah hai. Jo Isme sawaar hogaya nijaat paagaya aur jo Isse piche reh gaya wo gark hogaya.

Tabrani, Mujam al Kabir, 12/34, #2636, #2638, #2388

Al Minhaj us Sawi

14. "Imam Hussain Alaihisalaam Maidan-e-Karbala me Aaye to 25000 tirandazo ne teer chalaye kai hazaro ne talwar chalayi. shimr lanati ne Aapko bahot taklif di. Furaat ka paani band kardiya gaya, har chain o sukoon cheen liya gaya. Hazaro takleef aur musibaten aayi. Ek ke baad Ek Imam Ali Akbar, Imam Ali Asgar, Imam Qasim Ibne Imam Hasan (Alaihi-Mussalam) Shaheed kardiye gaye. Aapne Gulshan-e-Risalat ke Phoolon ko Qurban hote dekha. Aapne Unko Zinda rawana kiya par Laasho ko wapas Kheme me laaye. Aapne har aafat aur takleef dekhi par fir bhi Muskurate rahe (yaani Allah Ta'ala ki Raza me Raazi rahe) aur Aapke Qadmain Shareefain nahi dagmagaaye.

Isi dauran Jinnat ka giroh apne badshah ke saath aaya. Ajeeb maahol tha. Jinn ke badshah ne kaha: Ya Nawasa-e-Rasool (SallAllahu Alaihi wa Aalihi wa Sallam) Aap par Allah Ta'ala ki Salamati ho! Mai Jinnat ka Badshah hun aur unme se hun jinhone Aapke Walid-e-Girami Sayyiduna Ali al-Murtaza Alaihissalam ke Haatho pe Imaan kabool kiya tha. Mai us ehsan ka badla chukaane aaya hun. Bus hame Ishara farma den hum is yazido lashkar ko palak chapakte he khatam kardenge.

Ye Imam Hussain Alaihissalam ke Muqaam-e-Raza ke lihaz se ye thik nahi tha. Aap Alaihissalam ne farmaya: Tum Jinn ho aur jinn ko insan se ladna zeba nahi deta. Mai tumhe iski ijazat nahi deta. (Insani aankhe) jinno ko nahi dekh sakti magar jinn insan ko dekh sakte hain. Tum unse lad sakte ho par wo tumse nahi lad sakte. MAI NA-INSAFI KI JANG NAHI LADHNA CHAHTA. Mai yaha insaf kaayam karne ke liye aaya hun, Mai na-insafi nahi karsakta! Mai yaha isliye hun ke adal aur insaf kayaam rahe. Mai is usool ke khilaf nahi jasakta, tumlog chale jao!

Jinn ne kaha: Gazwa-e-Badr me to Malaeka bheje gaye the Sahaba (RadiAllahu Anhum) ki madat keliye.

Imam Hussain Alaihissalam ne farmaya: Wo Mere Rab Allah ka Hukm aur Marzi thi!

Ye kehkar Imam Hussain Alaihissalam ne unko wapas bhej diya."

-Shaykh-ul-Islam Dr. Tahir-ul-Qadri

Allahumma Salle Ala Jaddil Hasnain wa Ummil Hasnain wa Abil Hasnain wa Ukhtil Hasnain wa Alaihima wa Aalihi wa Baarik wa Sallim

Syeda Ka Lal (Urdu Version) Biography Of Moula Imam -E- Hussain (A.S) 91- 130

islamic speeches II

"Imam Hasan aur Imam Hussain Alaihimussalam Huzoor Nabi Akram SallAllahu Alaihi wa Aalihi Wasallam ke Phool (Flowers) hain"

Hazrat Anas bin Malik RajiAllahu Anhu farmate hain ke mai Huzoor Nabi Akram SallAllahu Alaihi wa Aalihi wa Sallam ki Bargahe Aqdas me hazir hota ya (farmaya) aksar awkat hazir hota (aur dekhta ke) Hasan aur Hussain Alaihimussalam Aap SallAllahu Alaihi wa Aalihi Wasallam ke Shikam Mubarak par Lot-Pot horahe hote aur Huzoor Nabi Akram SallAllahu Alaihi wa Aalihi Wasallam Farma rahe hote:

"Ye Dono he to Meri ummat ke Phool hain."

-Nasai, Sunan al-Kubra, 5:49, Raqam: 8167

-Nasai, Sunan al-Kubra, 5:150, Raqam: 8529

Hazrat Saad bin Abi Waqqas RadiAllahu Anhu farmate hain ke mai Huzoor Nabi Akram SallAllahu Alaihi wa Aalihi wa Sallam ki bargah me hazir hua to (dekha ke) Hasan aur Hussain Alaihimussalam Aap SallAllahu Alaihi wa Aalihi Wasallam ki Shikam Mubarak par khel rahe the, to maine arz ki Ya RasoolAllah (SallAllahu Alaihi wa Aalihi Wasallam)! Kya Aap Inse Muhabbat karte hain?

To Nabi Akram SallAllahu Alaihi wa Aalihi Wasallam ne farmaya:

"Main Inse muhabbat kyu na karun haalanke wo Dono Mere Phool hain."

-Bazzar-Al Musnad

-Haysami, Majma uz Zawaid

Haysami ne iske rawaah Sahih karar diye hain.

--Allah ne Unko aisa Paak banaya hai ke Unki halat e napaki bhi aam logo ke paaki se zyada paak hai!!

Hazrat Abu Saeed RadiAllahu Anhu se riwayat hai ke Aaqa SallAllahu Alaihi wa Aalihi wa Sallam ne farmaya:

"Ay Ali! Mere aur Tumhare alawa kisi ke liye jaayez nahi ke haalat-e-janabat me is masjid me rahe!!"

[Tirmizi, Baab Fazaeel e Ali, 5/639, Hadees no. 3727
Baazar, Musnad, 4/36, Hadees no. 1197
Abu Ya'ala, Musnad 2/311, Hadees no. 1042
Bayheqi, Sunan al Kubra 7/65, Hadees no. 13181]

Allahumma Salli wa Sallim Ala Sayyedina Muhammadiw wa Ala Sayyedina Muhammadin
SallAllahu Alaihi wa Ala Aalihi wa Sahbihi wa Baarik wa Sallim


--Roza aur cancer

"Haal he me ki gayi tehkik ke mutabik Roza cancer ki rok tham me madat deta hai aur ye jism me cancer ki khuliyo ki afzaish rokta hai. Roze ki halat me jism me Glucose ki miqdar kum hojati hai. Chunke jism ko kisi bhi machine ki tarah indhan (fuel) ki zarurat hoti hai. Glucose ki kami ke baais jism tawanaayi ke husool ke liye charbi ka istemal karta hai. Is amal me Ketone bodies bhi paida hoti hai jo protein ko chote chote zarraat me todne ka amal rokti hai. Cancer ke khuliyo ko apne nashwa numa keliye proteins ke chote zarrat ki zarurat hoti.
Roze ki halat me zarraat kum paida hote hain. isliye Roze ki halat me cancer se tahaffuz milta hai."

Shaykh-ul-Islam Dr. Tahir-ul-Qadri
Book: Roza aur Itekaf, page 105

--You're a sinner? He is al-Rahman (the Merciful). You've got problems? He is Al-Nasir (the Helper). You're in distress? He is al-Salam (the source of Peace) You need to talk? He is al-Sami' (the Listener).
You don't need anything or anyone when you have Allah (Subhanahu Wa' Ta'ala).
_________Shaykh Ul `Islam Dr.Muhammad Tahir al`Qadri

--Gazwa-e-Taif ke mauke par RasoolAllah SallAllahu Alaihi wa Aalihi wa Sallam ne Hazrat Ali RadiAllahu Anhu ko bulaya aur Unse Sargoshi ki (Kaan me dhire se kuch kehna).

Log kehne lage aaj Aap SallAllahu Alaihi wa Aalihi wa Sallam ne Apne Chachazaad Bhai ke saath kaafi der tak Sargoshi ki.
Pas Aap SallAllahu Alaihi wa Aalihi wa Sallam ne farmaya:

"Man Tajaituhu wala kin nAllahan Tajahu!"
"Maine nahi ki balke Allah ne Khud Unse Sargoshi ki hai."

SubhanAllah <3

Alaihim Afdalus Salawatu was-Salaam

[Imam Tirmizi, Jaame as Sahih, 5/639, Hadees no. 3826
Imam Tirmizi ne kaha ye Hadees Hasan hai!
Ibne Abi Aasim, as Sunnah, 2/598, Hadees no. 1321
Tabrani, Mujam al Kabir, 2/186, Hadees no. 1756]

Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim.

--Hazrat Anas bin Maalik RadiAllahu Anhu jo Huzoor Nabi-e-Akram SallAllahu Alaihi wa Aalihi wa Sallam ke Khadim-e-Khaas they bayan karte hain ke Aaqa SallAllahu Alaihi wa Aalihi wa Sallam ne Irshad farmaya:

"Qayamat ke Roz tamam duniya me se tum me sabse zyada Mere Kareeb wo shakhs hoga, jo duniya me tum me sabse zyada Mujhpar Durood bhejne waala hoga pas jo shakhs Juma ke din aur Juma ki raat Mujhpar 100 martaba Durood bhejta hai, Allah Tabarak wa Ta'ala uski 100 haajaten puri farmata hai, unme se 70 Aakhirat ki haajato me se aur 30 duniya ki haajato me se hain."

Bayheqi, Shobul Imaan, 3/81, Hadees no. 3035

Allahumma Salle Ala Sayyedina wa Maulana Muhammadi Nin Nabiyyil Ummiyyil Habibil Aalil Qadril Azeemil Jaahi wa Ala Aalihi wa Sahibihi wa Baarik wa Sallim

--Mai Wo Hun Jiska Naam Uski Maa ne SHER Rakha!

"Hazrat Salma bin Akwa RadiAllahu Anhu ek taweel Hadees me bayan 
karte hain ke Huzoor Nabi-e-Akram SallAllahu Alaihi wa Aalihi wa Sallam ne fir mujhe Hazrat Ali RadiAllahu Anhu ko bulane keliye bheja aur Unko aashob chasm tha pas Huzoor Nabi-e-Akram SallAllahu Alaihi wa Aalihi wa Sallam ne farmaya: Mai jhanda zarur biz-zarur us Shakhs ko dunga jo Allah aur Uske Rasool SallAllahu Alaihi wa Aalihi wa Sallam se Muhabbat karta hoga ya Allah
aur Uska Rasool SallAllahu Alaihi wa Aalihi wa Sallam us se Muhabbat karte honge. Raawi bayan karte hain fir mai Hazrat Ali RadiAllahu Anhu ke paas aaya aur Unko Huzoor Nabi-e-Akram SallAllahu Alaihi wa Aalihi wa Sallam ke paas le aaya is haal me ke Wo aashob chasm me mubtala they. Pas Huzoor Nabi-e-Akram SallAllahu Alaihi wa Aalihi wa Sallam ne Apna Luaab-e-Dahan Unki Aankhon me daala to wo thik hogaye. Aur fir unhe jhanda ata kiya.
Hazrat Ali RadiAllahu Anhu ke muqable me Marhab (sabse taqatwar jangzu) nikla aur kehna laga:

Kad alimta Khaybaru anni Marhab
Shaakis silahi batalun mujarrab
Ilzal huroobu aqbalat talahhab

"Tehqeeq Khaybar janta hai ke beshak mai Marhab hun aur ye ke mai har waqt hathiyar zada hota hun aur ek tajurbekar jangju hun aur jab jange hotin hain to wo bhadak uthta hai."

Pas Hazrat Ali Alaihissalam ne farmaya:

Analazi Sammatni Ummi Haidar,
Kalaysa gabaatin karihil manzar,
U feehemu bis saayi kailas sandar,

"Mai Wo Shakhs hun jiska naam Uski Maa ne Haidar rakha hai aur Mai jangal ke us sher ki manind hun jo ek haibat naak manzar ka haamil ho, ya unke darmiyan ek paimano me ek bada paimana."

Raawi bayan karte hain fir Hazrat Ali Alaihissalam ne marhab ke sar par zarb lagayi aur us (mashhoor taqatwar jangzu ko ek he hamle me) qatl kardiya fir fatah Aap Alaihissalam ke Haathon hui."

Sahih Muslim, 3/1441, Hadees no. 1807
Kanzul Mattalib fee Manaqib Ali ibne Abi Talib Alaihi-Mussalam

Allahumma Salle Ala Sayyedina wa Maulana Muhammad wa Ala Sayyedina Aliyyuw wa Sayyedatina Fatimah wa Sayyedatina Zainab wa Sayyedina Hasan wa Sayyedina Hussain wa Ala Aalihi wa Sahbihi wa Baarik wa Sallim.

Gumbad-e-Khazra ki Khidki

"Hazrat Abu Jauza Ows bin Abdullah RadiAllahu Anhu se marvi hai ke ek martaba Madina Munawwarah ke log sakht kehat me mubtala hogaye, to unhone Hazrat Aayesha Siddiqa RadiAllahu Ta'ala Anha se (apni naguftah bay haalat ki) shikayat ki. Ummul Momineen Hazrat Aayesha Siddiqa Salamullahi Alaiha ne farmaya: "Huzoor Nabi Akram SallAllahu Alaihi wa Aalihi wa Sallam ki Qabr-e-Anwar (Yaani Roza-e-Aqdas) ke paas jao aur wahan se ek khidki aasmaan ki is tarah kholo ke Qabr-e-Anwar aur Aasmaan ke darmiyan koi parda haayil na rahe".
Raawi kehte hain ke logon ne aisa he kiya to bahot zyada baarish hogayi,yaan tak ke khoob sabza ug aaya aur unt itne mote hogaye ke (mehsus hota tha) jaise charbi se phat padenge lihaza us saal ka naam he 'Aamul Fatq' (pet) fatne ka saal rakh diya gaya. (yaani khaane ki itne zyada chizen ug gayi ke khakhakar saare unt mote hogaye aur lagne laga ke motape ki charbi ke wajah se kahi inke pet na phat jaaye, itni baarish hui).

-Daarmi, Sunan, Baab 15, Hadees No. 92
-Khatib Tabrezi, Mishakatul Masabeeh #5950
-Ibnul Jauzi, al-Wafa be Ahwalal Mustafa SallAllahu Alaihi wa Aalihi wa Sallam
-Taqi ud din Subki, Shafa us Saqam
-Qustulaani, al-Mawahib al-Ladunya
-Imam Zurqaani.

Imam Samhudi apni Kitab Wafa ul Wafa, Jild:2 Safa 569 me kehte hain
"Jaan lijiye Madinah ke logon ki aaj tak ye Sunnat hai jo Surakh Hazrat Sayyeda Aayesha Sidiqqa Salamullahi Alaiha ne karwaya tha Roza-e-Rasool SallAllahu Alaihi wa Aalihi wa Sallam ki Chhat par Tawassul ke liye wo aaj tak kaayam hai, jab kehat hota hai to Maasum Sayyadzaade Bachhe ko uthakar wo surakh aaj bhi kholte hain to baarish hoti hai."

Agar aap Madina-e-Pak jaayen to jakar dekhiye, Gumbad-e-Khazra ke Mawajeh Sharif ke jaanib, jidhar Aaqa SallAllahu Alaihi wa Aalihi wa Sallam ka Chehra-e-Mubarak hai Mawajaha Sharif, Baahar ki taraf chale jaiye. Upar Gumbad-e-Khazra ke upar jo kali hai upar uske niche aapko moti ubhri hui jaga nazar aayegi aaj bhi, jo shakhs Umre (ya Haj) par jaaye dekhe ubhari jagah nazar aayegi aur us Ubhari hui jagah ke saath CHOTA SA RASSA YA ZINJEER SABZ (GREEN) RANG uske saath chipka hua hai, aajtak chipa hua hai.
Arey is maujuda sadi tak Ahle Madina ka ye aalam tha jab kehat hojata baariah na hoti to Ahle Madina Huzoor SallAllahu Alaihi wa Aalihi wa Sallam ki Aal me se kisi Sayyadzaade Chote 5-6 Saal ke Bachhe ko upar chadhate aur wo jo Huzoor ke Qabr-e--Anwar ke upar Chhat me surakh tha upar ju ju kamre taameer hote gaye, Gumbad (ke layers) bante gaye, surkh ke upar surakh har chhat me rakha jata raha! Aur zanjeere khaenchi jaati rahi hatta ke aakhri Gumbad-e-Khazra ke baahir us Surakh se zanjeeri ya rassa baahir khench diya gaya. Us raase ki dor saari niche Hujra-e-Aayesha RadiAllahu Anha tak jaati. Aur Madina me jab Kehat hota abhi 100 Saal pehle tab Ahle Madina (Chote Maasum) Sayyadzaade ko khada karte wo Raase ko khenchta saare roshandaan khul jaate jab aakhri surakh bhi khulta to Madine ka kehat dur hota tha baarish aati thi."

-Shaykh-ul-Islam Dr. Tahir-ul-Qadri

Ye jo photo me Choti Qabr jaisa nazar aaraha hai wohi khidki ka upar ka layer jo kehat hone par khola jata tha...aur ye khidki aur andar ki khidkiya khulti...aur Qabr-e-Anwar aur Aasmaan ke bich koi parda nahi rehjata to foran baarish shuru hojati!!
Ye jeeti jagati daleel hai ke Huzoor Nabi-e-Kareem SallAllahu Alaihi wa Aalihi wa Sallam se Tawassul 1300 saal se sablog maante they..sirf pichli sadi se is Aqeede ko shirk aur biddat kaha jaane laga.

Ye Proof hai Ahle Sunnat ka Aqeeda he Sahi Aqeeda hai

Pehle Jo Gumbad They Unpe Wo Khidki thi, jab Gumbad-e-Khazra Ki Tamir hui to fir Gumbad-e-Khazra pe bhi Wo Khidki bilkul usi jagah upar bana di gayi aur ye Tawassul fir 1923 tak chalta tha, najdi hukumat band karwa diya.

Ab Tawassul Islam ka hissa hai
ya Tawassul ko band karna Islam ka hissa hai ye aap decide kare qki 1300 saal se to sab Tawassul ke maanne waale they!!

--18 Dhul-hijjah ,1 the day when the Prophet ()
st ayed at Ghadīr Khum after his ret urn from Hajjat-ulwadā‘
2 to Medina. Surrounded by the Companions (), he
declared while raising the hand of ‘Alī al-Murtadā () :

Whoever has me as his master ‘Alī is
his master.

This was the declar ation of ‘Alī’ s spirit ual sovereignty
and it s unconditional acceptance is binding on believer s
till the Day of Judgement. It clear ly proves that anyone
who denies ‘Alī’s spir itual sover eignty in fact denies the
Prophet’ s spir itual sover eignty. This most humble
follower of the Prophet () felt that some people deny
this r eality partly out of ignor ance and partly out of
pr ejudice, which is spreading unnecessary tension and
disunity in the Muslim community. Under the
circumstances I thought it necessary to wr ite t wo
pamphlet s on the issue of sover eignty and leader ship: one
titled as The Ghadīr Declaration and the other titled The
Awaited Imām Mahd ī (). The former is designed to
1. the twel fth month in the Islamic calendar, and the month of
the pi lgrimage to Makkah
2. the last or farewell pi lgrimage of the Prophet Muhammad
() the year (10AH/632AD) before he left for his eternal
home

--Ali ka gustakh Mera gustakh hai!

Hazrat Ibne Buraida Apne Walid se ek taweel riwayat me byan karte hain ke Huzoor Nabi-e-Akram SallAllahu Alaihi wa Aalihi wa Sallam ne farmaya: 

"Unlogo ka kya hoga jo Ali ki Shaan me gustakhi karte hain! (Jaan lo) jo Ali ki gustakhi karta hai wo Meri gustakhi karta hai aur jo Ali se juda hua wo Mujhse juda hogaya. Beshak Ali Mujhse hai aur Mai Ali se hun, Uski Takhleeq Meri Mitti se hui hai aur Meri Takhleeq Ibrahim ki Mitti se, aur Mai Ibrahim se Afzal Hun. Hum me se baaz, baaz ki aulad hain, Allah Ta'ala ye saari baate Sunne aur Jaan ne Wala hai.
Wo Mere baad tum sabka Wali hai. (Buraida bayan karte hain ke) Maine kaha: Ya RasoolAllah! Kuch waqt inayat farmaen aur Apna Haath badhaaen, Mai Tajdeed-e-Islam ki Baiyat karna chahta hun, (aur) Mai Aap SallAllahu Alaihi wa Aalihi wa Sallam se juda na hua yahan tak ke maine Islam par (dobara) baiyat karli."

Tabrani, Mujam al Awsat, 6/162,163 #6085
Haysami, Majma uz Zawaid, 9/168

(Aur Ahadees me ishara milta hai ke Hazrat Buraida RadiAllahu Anhu ne yaha Tajdeed-e-Islam ki baiyat kyu farmayi. Tajdeed e Islam us waqt kiya jata hai jab koi kufriya kaam ya bada gunah sarzad hogaya ho to. Hazrat Buraida RadiAllahu Anhu Khud farmate hain ke ek baar ek safar Maula Ali Alaihissalam ke saath kisi masle par misunderstanding hogayi. Unhone ye baat aakar Aaqa SallAllahu Alaihi wa Aalihi wa Sallam ko batayi to Aaqa SallAllahu Alaihi wa Aalihi wa Sallam unki complaint he nahi suni aur na he Maula Ali Alaihissalam se jawab manga ke aisa kyu kiya balke Maula Ali Alaihissalam ke khilaf hui complaint par khud Aaqa SallAllahu Alaihi wa Aalihi wa Sallam ne farmaya ke Mere Ali se kya chahte ho? Jiska Mai Maula hun uska Ali Maula hai!
Wo riwayat to yaha khatam hui magar is riwayat me Aaqa SallAllahu Alaihi wa Aalihi wa Sallam ne aur detail me bata diya Maula Ali Alaihissalam ke dushman ka anjaam. Hazrat Buraida RadiAllahu Anhu se bus ek choti misunderstanding hogayi thi lekin aapne Maula Ali Alaihissalam ke khilaf hui ek masle par hui ek galat fahmi ko bhi itna bada gunah jaana ke Aaqa SallAllahu Alaihi wa Aalihi wa Sallam ke Dast-e-Aqdas par Tajdeed-e-Islam ki baiyat kardi! Ye hain hamare Sahaba! Ye hai Sahaba ka Aqeeda! Ye hai Sahaba ka Tarz-e-Amal!)

--"Hurr bin Kaseer al Kindi riwayat karte hain, kehte hain ke mai namaz padhke nikla Imam Hussain Alaihissalam ke saath Masjid se aur Aapke saath saath chal pada. Chalte chalte Aapka Ghar aagaya. Jab mai Aapke darwaze tak pahuncha to Aapne Dekha ke ye banda chalte hue Mere Ghar aagaya. To mai mudne laga wapis to Imam-e-Aali Muqaam Alaihissalam ne mujhe pakad liya aur farmaya wapis na jao. 

Maine kaha: Huzoor mai to bus aise he Aapke saath aagaya tha. Imam Hussain Alaihissalam ne farmaya: nahi khana khaake jao.

Andar legaye mujhe, khana mangwaya, mujhe khilaya. Uske baad khushbu mangwayi, mujhe di khushbu lagalo. Maine khusbu lagali.
Fir uske baad Apna Musalla uthaya, uske niche se ek thaila nikala aur muje diya aur farmaya: Lejao is se zarurate puri karna! Mai wo thaila leke ghar aaya. Ghar aakar giney to 500 Dirham they us thaili me!!

Sirf Unke saath chand kadam chalke Unke Darwaze tak gaya, talab bhi nahi ki, koi haajat nahi rakhi, bagair mangne ke jholi bharke rawani ki!

Ye sakhawat maal se nahi aati ye sakhawat haal se aati hai. Maaldar hoke bhi bakheel hota hai. Ye sakhawat haal se aati hai, dosto jab dil sakhi hojate hain to bhale ek lukma paas na ho bande ka karam thamta nahi hai! Ye Unka Karam Tha Ye Unki Sakhawat Thi!"

Alaihim Afdalus Salawatu was Salaam

-Shaykh-ul-Islam Dr. Tahir-ul-Qadri

-- Madina Tayyeba me 99 Mubarak Naam
Bahot Saare Naam Imaan Afroz hain par khaas 25th Naam dekhen :)

1. Madinatur-Rasool (SallAllahu Alaihi wa Aalihi wa Sallam
2. Taabah
3. Taibah
4. Ad-Daar
5. Al-Imaan
6. Ard-Allah
7. Ard-Al Hijrah
8. Akalatal Baldan
9. Akalatal Qura
10. Al-Baarah
11. Al-Barrah
12. Al-Bahrah
13. Al-Buhairah
14. Al-Baheerah
15. Al-Balaat
16. Al-Balad
17. Balad Ar-Rasool (SallAllahu Alaihi wa Aalihi wa Sallam)
18. Bayt Ar-Rasool (SallAllahu Alaihi wa Aalihi wa Sallam
19. Tandad'
20. Tandar
21. Jabarah
22. Jabbar
23. Al-Jabarah
24. Jaziratul Arab
25. Al-Jannah
26. Al-Habeebah
27. Al-Haram
28. Haram-e-Rasool (SallAllahu Alaihi wa Aalihi wa Sallam)
29. Hasanat
30. Al-Huswainah
31. Al-Khaiyarah
32. Al-Kheerah
33. Darul Mukhtar
34. Darul Abrar
35. Darul Akhyar
36. Darul Ansar
37. Darul Imaan
38. Darul Sunnat
39. Darul Salamat
40. Darul Fatah
41. Darul Mustafa (SallAllahu Alaihi wa Aalihi wa Sallam)
42. Darul Muhajareen
43. Darul Hijrah
44. Ad-Dar Al Haseenah
45. Zaat al-Hijr
46. Zaat al-Haraar
47. Zaat al-Nakhal
48. Al-Salqah
49. Sayyedul Baldaan
50. Ash-Shafeeh
51. Taaib
52. Tababa
53. Tabeebah
54. Zabaab
55. Al-Aaswimah
56. Al-Azraa'a
57. Al-Ar-raa
58. Al-Arooz
59. Al-Garaa
60. Galba
61. Al-Faa-zahat
62. Al-Qasimah
63. Qubtal Islam
64. Qariyatul Islam
65. Qariyatul Ansar
66. Qareeyatur-RasoolAllah (SallAllahu Alaihi wa Aalihi wa Sallam)
67. Qalb al-Imaan
68. Al-Mu'aminah
69. Al-Mubarakah
70. Mabawwa al-Halal wal-Haram
71. Mubinal Halal wal Haram
72. Majboorah
73. Al-Mahboorah
74. Al-Muhabbah
75. Al-Muhabbabah
76. Al-Mahboobah
77. Al-Mahroosah
78. Al-Mehramah
79. Al-Mehfoozah
80. Al-Mehfoofah
81. Al-Mukhtarah
82. Al-Huswainah
83. Madkhal Sidq
84. Al-Marhumah
85. Al-Marzookah
86. Al-Maskinah
87. Al-Maslamah
88. Madh-Ja'a-RasoolAllah (SallAllahu Alaihi wa Aalihi wa Sallam)
89. Al-Mateenah
90. Al-Maqdasah
91. Al-Maqar
92. Al-Maktaan
93. Al-Makinah
94. Al-Mawfeeh
95. Mahaajar-e-RasoolAllah (SallAllahu Alaihi wa Aalihi wa Sallam)
96. An-Naajiyah
97. An-Nabla
98. An-Nahar
99. Al-Hazra

Book: Shehar-e-Madina aur Ziyarat-e-RasoolAllah (SallAllahu Alaihi wa Aalihi wa Sallam)
Page 18-20,
Shaykh-ul-Islam Dr. Tahir-ul-Qadri

-- PANJATAN PAK ALAIHI-MUSSALAM SE MUHABBAT KARNE KA BADLA

Hazrat Ali Ibne Abu Talib RadiAllahu Anhuma bayan karte hain ke Huzoor Nabi-e-Akram SallAllahu Alaihi wa Aalihi wa Sallam ne Hasan aur Hussain Alaihi-mussalam ka haath pakda aur farmaya: Jisne Mujhse aur in Dono se Muhabbat ki aur Unke Walid aur Unki Walida se Muhabbat ki, wo Qayamat ke Din Mere saath Mere He Thikaane par hoga."

Alaihi muswalatu was-Salaam

Tirmizi, 5/641, #3733
Musnad Imam Hanbal, 1/77, #576
Imam Hanbal, Fazail e Sahaba, 2/693, #1185
Tabrani, Mujam al Kabeer, 3/50, #2654

isme kisko shaq hosakta hai ke Aaqa SallAllahu Alaihi wa Aalihi wa Sallam sabse unche Maqaam pe Honge, par Aaqa ki Apne ummatiyo pe Karam dekhiye, Apni Ahle Bayt se Muhabbat karne waalo ko bhi Apne saath rakhenge!!
Batao aur kaunsa Amal hai jo ye martaba dila sakta hai?

--Jis Hasti ko Aate Dekh Kainat ke Sardar Khade Hojate hain, 

Us Hasti ko Sayyeda-e-Kainat kehte hain!!

"Ummul Momineen Hazrat Aaisha Siddiqa RadiAllahu Anha bayan karti hain: Huzoor Nabi-e-Akram SallAllahu Alaihi wa Aalihi wa Sallam jab Sayyeda Fatimah Salamullahi Alaiha ko Aate hue dekhte to Khushaamdeed kehte, fir Unki khatir khade hojate, Unhe Bosa dete, Unka Haath pakadkar laate aur Unhe Apni Nashist par bitha lete. Aur jab Sayyeda Fatima Salamullahi Alaiha Aap SallAllahu Alaihi wa Aalihi wa Sallam ko Apni taraf tashreef laate hue dekhtin to Khushaamdeed Kehtin, fir Khadi hojatin aur Aap SallAllahu Alaihi
wa Aalihi wa Sallam ko Bosa detin."

1. Nasai, as-Sunan-ul -kubra (5:391,392#9236,9237)
2. Ibn Hibban, as-Sahih (15:403#6953)
3. Shaybani, al -Aahad wal -mathani (5:367#2967)
4. Tabarani, al -Mujam-ul-awsat (4:242#4089)
5. Hakim, al-Mustadrak (4:303#7715)
6. Bukhari, al -Adab-ul -muf rad (p. 326#947)
7. Dawl abi, az-Zurri yah at -tahira (p. 100#184)

"Ummul Monimeen Hazrat Aayesha Siddiqa RadiAllahu Anha bayan karti
hain ke jab Sayyeda Fatimah Salamullahi Alaiha Huzoor Nabi-e-Akram SallAllahu Alaihi wa Aalihi wa Sallam ki Khidmat-e-Aqdas me haazir hotin to Huzoor SallAllahu Alaihi wa Aalihi wa Sallam Sayyeda Salamullahi Alaiha ko Khushaamdeed kehte, Khade hokar Unka Istaqbaal karte, Unka Haath pakadkar usey bosa dete aur Unhe Apni Nashisht par bitha lete."

1. Hakim, al-Mustadrak (3:167#4732)
2. Nasai, Fadail -us-sahabah (p. 78#264)
3. Ibn Rahawayh, al -Musnad (1:8#6)
4. Bayhaqi, as-Sunan-ul-kubra (7:101)
5. Bayhaqi, Shuab-ul -iman (6:467#8927)
6. Maqri, Taqbil -ul-yad (p.91)

Allahumma Salle Ala Sayyedina wa Maulana Muhammad wa Ala Sayyedina Aliyyuw wa Sayyedatina Fatimah wa Sayyedatina Zainab wa Sayyedina Hasan wa Sayyedina Hussain wa Ala Aalihi wa Sahbihi wa Baarik wa Sallim

-- 

Ali ka gustakh Mera gustakh hai!

Hazrat Ibne Buraida Apne Walid se ek taweel riwayat me byan karte hain ke Huzoor Nabi-e-Akram SallAllahu Alaihi wa Aalihi wa Sallam ne farmaya:

"Unlogo ka kya hoga jo Ali ki Shaan me gustakhi karte hain! (Jaan lo) jo Ali ki gustakhi karta hai wo Meri gustakhi karta hai aur jo Ali se juda hua wo Mujhse juda hogaya. Beshak Ali Mujhse hai aur Mai Ali se hun, Uski Takhleeq Meri Mitti se hui hai aur Meri Takhleeq Ibrahim ki Mitti se, aur Mai Ibrahim se Afzal Hun. Hum me se baaz, baaz ki aulad hain, Allah Ta'ala ye saari baate Sunne aur Jaan ne Wala hai.
Wo Mere baad tum sabka Wali hai. (Buraida bayan karte hain ke) Maine kaha: Ya RasoolAllah! Kuch waqt inayat farmaen aur Apna Haath badhaaen, Mai Tajdeed-e-Islam ki Baiyat karna chahta hun, (aur) Mai Aap SallAllahu Alaihi wa Aalihi wa Sallam se juda na hua yahan tak ke maine Islam par (dobara) baiyat karli."

Tabrani, Mujam al Awsat, 6/162,163 #6085
Haysami, Majma uz Zawaid, 9/168

Dr. Tahir ul Qadri, Kanzul Mattalib fee Manaqib Ali ibne Abi Talib Alaihi-mussalam

(Aur Ahadees me ishara milta hai ke Hazrat Buraida RadiAllahu Anhu ne yaha Tajdeed-e-Islam ki baiyat kyu farmayi. Tajdeed e Islam us waqt kiya jata hai jab koi kufriya kaam ya bada gunah sarzad hogaya ho to. Hazrat Buraida RadiAllahu Anhu Khud farmate hain ke ek baar ek safar Maula Ali Alaihissalam ke saath kisi masle par misunderstanding hogayi. Unhone ye baat aakar Aaqa SallAllahu Alaihi wa Aalihi wa Sallam ko batayi to Aaqa SallAllahu Alaihi wa Aalihi wa Sallam unki complaint he nahi suni aur na he Maula Ali Alaihissalam se jawab manga ke aisa kyu kiya balke Maula Ali Alaihissalam ke khilaf hui complaint par khud Aaqa SallAllahu Alaihi wa Aalihi wa Sallam ne farmaya ke Mere Ali se kya chahte ho? Jiska Mai Maula hun uska Ali Maula hai!
Wo riwayat to yaha khatam hui magar is riwayat me Aaqa SallAllahu Alaihi wa Aalihi wa Sallam ne aur detail me bata diya Maula Ali Alaihissalam ke dushman ka anjaam. Hazrat Buraida RadiAllahu Anhu se bus ek choti misunderstanding hogayi thi lekin aapne Maula Ali Alaihissalam ke khilaf hui ek masle par hui ek galat fahmi ko bhi itna bada gunah jaana ke Aaqa SallAllahu Alaihi wa Aalihi wa Sallam ke Dast-e-Aqdas par Tajdeed-e-Islam ki baiyat kardi! Ye hain hamare Sahaba! Ye hai Sahaba ka Aqeeda! Ye Sahaba ka Tarz-e-Amal!)

Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim.

-- 

"Sayyeda Aaisha Siddiqa Salamullahi Alaiha farmati hain RasoolAllah SallAllahu Alaihi wa Aalihi wa Sallam ek Kambal Mubarak odhe hue they jispe unto ke kajawo ke naqsh bane they. Itne me Shehzade Imam Hasan ibne Ali aaye to Huzoor ne Unhe kamli ke andar leliya, Imam Hussain aaye to Unhe bhi Kamli ke andar leliya. Sayyeda-e-Kainat Aayi aur Unhe bhi Kamli ke Andar leliya, Hazrar Ali Aaye to Unhe bhi Andar leliya.

To yaha batayen ke Kamli ke Andar ke Tan hain? Aaqa SallAllahu Alaihi wa Aalihi wa Sallam Khud, Sayyeda-e-Kainat, Maula-e-Kainat aur Hasnain Kareemain, to Kitne Tan hue? Paanch Tan!

Aur Ummul Momineen Aage farmati hain jab Ye Paancho Tan Kamli ke Andar chale gaye to Aaqa SallAllahu Alaihi wa Aalihi wa Sallam ne Ye Aayat Tilawat farmayi: "Innama Yuridullah Lee Uzhib An kumar rijz Ahlal Bayti wa Yutah hirakum Tatheera"
Yaani Ay Ahle Bayt Allah Ta'ala Tumhe har rijz aur napaki se hamesha keliye Pak karta hai!

Yaani PAK hone ka Zikr farmaya.

To PAANCH TAN hain aur Unke PAK hone ka Zikr hai..yaani PANJATAN PAK!

To jo log kehte hain ke Panjatan Pak lafz shio ne ijaat kiya hai, arey baba wo shio ne nahi, Khud Ummul Momineen Hazrat Sayyeda Aaisha Siddiqa RadiAllahu Anha ka ata kiya hua hai!!"

Alaihim Afdalus Salawatu was-Salam

(Hadees Sahih Muslim Kitab Fazaeel e Sahaba, Baab Fazaeel e AHLE BAYT AN NABI, 4/1883, Hadees no. 2424)

Allahumma Salle Ala Sayyedina Muhammadin Nabiyyi wa Azwajihi Ummahtul Mu'mineen wa Zurriyatihi wa Ahle Baytihi kama Sallaita Ala Ibrahima Innaka Hamidum Majeed

Mere Bete Hasan, Tujhpar Mere Maa Baap Qurban

Hazrat Salman Farsi (RadiAllahu Anhu) farmate hain: Hum Huzoor Nabi-e-Akram SallAllahu Alaihi wa Aalihi wa Sallam ke paas they. Umme Ayman Aap SallAllahu Alaihi wa Aalihi wa Sallam ke paas aayin aur arz kiya: Hasan wa Hussain Alaihi-Mussalam goom hogaye hain. Raawi kehte hain din khoob nikla hua tha. Aap SallAllahu Alaihi wa Aalihi wa Sallam ne farmaya: Chalo Mere Beton ko talash karo, raawi kehta hai har ek ne apna apna rasta liya aur mai Huzoor SallAllahu Alaihi wa Aalihi wa Sallam ke sath chal pada, Aap SallAllahu Alaihi wa Aalihi wa Sallam musalsal chalte rahe hatta ke pahaad ke daman tak pahunch gaye (dekha ke) Hasan wa Hussain Alaihimussalam ek dusre ke sath chimte hue hain aur ek azdaha apni dum par khada hai aur uske muh se aag ke shole nikal rahe hain. Aap SallAllahu Alaihi wa Aalihi wa Sallam uski taraf tezi se badhe to wo azdaha Huzoor Nabi-e-Akram SallAllahu Alaihi wa Aalihi wa Sallam ki taraf mutawwajah hokar sikud gaya phir khisakkar pathar me chup gaya phir Aap SallAllahu Alaihi wa Aalihi wa Sallam Hasnain Kareemain Alaihi-Mussalam ke paas tashrif laaye aur Dono ko alag alag kiya aur Unke Chehron ko pochha aur farmaya:

"Be Abi wa Ummi Antamaa Ma Akar Makamaa Alal Laah."

"Mere Maa Baap Tumpar Qurban ho!! Tum Allah ke haan kitni Izzat waale ho."

SallAllahu Alaihi wa Aalihi wa Sallam

[Tabrani, Mujam al Kabir, 3/65, #2677

Haysami, Majma uz Zawaid, 9/182

Showkani, Dar as Sahaabah, 309]

Marajal Bahrain Fee Manaqibil Hasanain Alaihi-Mussalam